സ്വപ്നം പോലൊരു സ്വര്‍ണ്ണക്കടത്ത്; ന്യായീകരിച്ച് തളര്‍ന്ന് ട്രോളന്മാര്‍
First Published | Jul 7, 2020, 12:12 PM IST
കഴിഞ്ഞ ഉമ്മന്‍ചാണ്ടി സര്‍ക്കാറിന്‍റെ കാലത്ത് ഏറെ വിവാദമായ കേസായിരുന്നു സോളാര്‍ കേസ്. പേപ്പര്‍ കമ്പനിയുടെ പേരില്‍ സോളാര്‍ പദ്ധതി നടത്തിപ്പിനായി നിരവധി പേരില്‍ നിന്ന് സരിത പണം വാങ്ങിയെന്നും ഇതിനായി മുഖ്യമന്ത്രിയുടെ ഓഫീസില്‍ നിന്നുള്ള സ്വാധീനം ഉപയോഗിച്ചുമെന്നായിരുന്നു സോളാര്‍ കേസിന്‍റെ തുടക്കം. തുടര്‍ന്ന് അധികാരത്തിലെത്തിയ ഇടതുപക്ഷം കഴിഞ്ഞ നാല് വര്‍ഷവും പലവിധ ആരോപണങ്ങളെയും ചെറുത്ത് നിന്നെങ്കിലും ഭരണ അവസാനിക്കാറായപ്പോഴാണ് തിരുവനന്തപുരം വിമാനത്താവളം വഴി 30 കിലോ സ്വര്‍ണ്ണം ഡിപ്ലോമാറ്റിക്ക് ബാഗ് ഉപയോഗിച്ച് യുഎഇയില്‍ നിന്ന് കടത്തിയത്. ഇതിനായി മുഖ്യമന്ത്രിയുടെ ഓഫീസിനെയും ഓഫീസ് സെക്രട്ടറിയേയും ഉപയോഗിച്ചുവെന്ന വാര്‍ത്തകള്‍ പുറത്ത് വരുന്നത്. കഴിഞ്ഞ നാല് വര്‍ഷത്തിനിടെ ഇടത്പക്ഷം നേരിട്ട ഏറ്റവും വലിയ ആരോപണമാണ് ഇപ്പോള്‍ ഉയര്‍ന്നത്. ഇതോടെ ന്യായീകരണവും ആരോപണങ്ങളുമായി ട്രോളന്മാരും ഉണര്‍ന്നു. അതിനായി സോളാര്‍ കേസ് വരെ കുത്തിപ്പൊക്കുകയാണ് ട്രോളന്മാര്‍.