അടിമുടി അഴിമതി; പറയൂ പറയൂ പൊലീസേ... ഉണ്ടയെവിടെ പൊലീസേ...
First Published | Feb 13, 2020, 11:01 AM ISTസ്വന്തം വെടിയുണ്ട പോലും സൂക്ഷിക്കാനറിയാത്ത സായുധ വിഭാഗമാണ് കേരളാ പൊലീസെന്ന സിഐജി റിപ്പോര്‍ട്ടിന് പുറകേ പൊലീസ് സേനയുടെ പല പണ മിടപാടുകളിലെ തട്ടിപ്പുകളും പുറത്ത്. സിഎജി റിപ്പോര്‍ട്ട് പുറത്ത് വന്നതോടെ വെടിയുണ്ട മുതല്‍ വാഹനം, വീട് എന്നിവയടക്കം ചെയ്യുന്ന എല്ലാ കാര്യത്തിലും കേരളാ പൊലീസ് പണം വകമാറ്റി ചെലവഴിച്ചെന്നാണ് പുറത്ത് വരുന്ന വിവരം. സുരക്ഷാ വസ്തുക്കള്‍ വാങ്ങാന്‍ കെല്‍ട്രോണിന് കരാര്‍ കൊടുത്തതിലും അഴിമതി നടന്നതായി സിഐജി റിപ്പോര്‍ട്ട് ആരോപിക്കുന്നു. തിരുവനന്തപുരം എസ്എപി ക്യാമ്പില്‍ നിന്ന് 25 റൈഫിളുകളും 12,061 ഉണ്ടകളും കാണാനില്ലെന്നത് ഏറെ ഗുരുതരമായ പ്രത്യാഘാതങ്ങള്‍ ഉണ്ടാക്കും. തോക്കും തിരകളും കാണാനില്ലെന്ന് മാത്രമല്ല, യഥാര്‍ത്ഥ തോക്കിനും തിരയ്ക്കും പകരമായി ഡമ്മി സാധനങ്ങള്‍ കയറ്റി വച്ചതും ഏറെ ഗുരുതരമായ കുറ്റമാണ്. അതിനിടെയാണ് ആയുധങ്ങളും സുരക്ഷാ ഉപകരണങ്ങളും വാഹനങ്ങളും വാങ്ങിയ വകയില്‍ പണം ചെലവഴിച്ചതിലും ക്രമക്കേട് നടന്നതായാണ് റിപ്പോര്‍ട്ട്. നമ്മടെ പൊലീസല്ലേ.. ട്രോളന്മാര് വെറുതേ വിടുമോ ? കാണാം ഉണ്ട പോയ ട്രോളുകള്‍.