കേരളത്തില്‍ പിടിവിടാതെ കൊവിഡ്: രോഗലക്ഷണം കാട്ടിയ 330 പേരെ കൂടി ആശുപത്രിയിലേക്ക് മാറ്റി
First Published | Jun 30, 2020, 6:34 PM ISTകേരളത്തില്‍ 131 പേര്‍ക്ക് കൂടി കൊവിഡ്-19 സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 2112 ആയി. രോഗം സ്ഥിരീകരിച്ച് ചികിത്സയിലായിരുന്ന 75 പേരുടെ പരിശോധനാഫലം നെഗറ്റീവ് ആയെന്നും ആരോഗ്യ വകുപ്പ് മന്ത്രി കെ കെ ശൈലജ ടീച്ചര്‍ വാര്‍ത്താകുറിപ്പിലൂടെ അറിയിച്ചു. നിരീക്ഷണത്തിലിരിക്കവെ രോഗലക്ഷണം കാട്ടിയ 330 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. സംസ്ഥാനത്തെ വിവിധ ജില്ലകളിലായി 1,84,657 പേരാണ് ഇപ്പോള്‍ നിരീക്ഷണത്തിലുള്ളത്.