☰
ഏഷ്യാനെറ്റ് ന്യൂസ് ഓണ്‍ലൈനില്‍ ഇത്തവണ വ്യത്യസ്ത തരം നോമ്പുതുറ വിഭവങ്ങൾ. ഇന്ന് അൻസ മെറിൻ തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
അഞ്ച് കോഴിമുട്ടയുടെ ഗുണമാണ് ഒരു കാടമുട്ടയ്ക്ക് എന്നാണല്ലോ പറയാറ്. അപ്പോള്‍ പിന്നെ ഹെല്‍ത്തി കാടമുട്ട മസാല തയ്യാറാക്കിയാലോ?
വേണ്ട ചേരുവകൾ
കാട മുട്ട പുഴുങ്ങിയത് - 12 എണ്ണം
വെളിച്ചെണ്ണ - 1 1/2 ടേബിള്‍സ്പൂണ്‍
ഇഞ്ചി വെളുത്തുള്ളി പേസ്റ്റ് - 1/2 ടീസ്പൂണ്‍
മഞ്ഞൾ പൊടി - 1/4 ടീസ്പൂണ്‍
കാശ്മീരി മുളക് പൊടി -3/4 ടേബിള്‍സ്പൂണ്‍
ചിക്കൻ മസാല - 1/2 ടീസ്പൂണ്‍
കറിവേപ്പില- 1 തണ്ട്
തയ്യാറാക്കുന്ന വിധം
ആദ്യം ചട്ടിയിൽ വെളിച്ചെണ്ണ ഒഴിച്ച് ചൂടായി വരുമ്പോൾ മുട്ട ഒഴികെ ബാക്കി മേൽപറഞ്ഞ എല്ലാ ചേരുവകളും ഇട്ടു ഒന്നര- രണ്ട് മിനിറ്റ് ഇളക്കുക. ലോ ഫ്ളെയിമിൽ ഇടാൻ ശ്രദ്ധിക്കണം. പൊടികളുടെ പച്ചമണം മാറിയാൽ പുഴുങ്ങിയ മുട്ടയും, ആവശ്യത്തിന് ഉപ്പും ഇട്ടു മസാല നന്നായി പിടിക്കുന്ന വിധം യോജിപ്പിക്കുക. 2 മിനിറ്റ് കുക്ക് ചെയ്യുക. ഇതാടെ കാടമുട്ട മസാല റെഡി.
Also read: ഇഫ്‌താർ സ്പെഷ്യല്‍ നോൺ വെജ് ബ്രെഡ് പക്കോഡ തയ്യാറാക്കാം; റെസിപ്പി
