ശരീരത്തിന് വേണ്ട പ്രോട്ടീനുകളും ഫൈബറുമൊക്കെ ഇവയില്‍ ധാരാളമായി അടങ്ങിയിരിക്കുന്നു. പതിവായി പയർവർഗങ്ങൾ കഴിക്കുന്നതു കൊണ്ടുള്ള ഗുണങ്ങള്‍ എന്തൊക്കെയാണെന്ന് നോക്കാം.
നിരവധി ആരോഗ്യ ഗുണങ്ങള്‍ അടങ്ങിയതാണ് പരിപ്പ് അഥവാ പയർവർഗങ്ങൾ. ശരീരത്തിന് വേണ്ട പ്രോട്ടീനുകളും ഫൈബറുമൊക്കെ ഇവയില്‍ ധാരാളമായി അടങ്ങിയിരിക്കുന്നു. പതിവായി പയർവർഗങ്ങൾ കഴിക്കുന്നതു കൊണ്ടുള്ള ഗുണങ്ങള്‍ എന്തൊക്കെയാണെന്ന് നോക്കാം.
ഒന്ന്
undefined
ഫൈബര്‍ ധാരാളം അടങ്ങിയ പയർവർഗങ്ങൾ പതിവായി കഴിക്കുന്നതു ദഹനം മെച്ചപ്പെടുത്താനും കുടലിന്‍റെ ആരോഗ്യം സംരക്ഷിക്കാനും സഹായിക്കും. മലബന്ധം പോലെയുള്ള ദഹന പ്രശ്നങ്ങള്‍ അനുഭവിക്കുന്നവര്‍ക്ക് പയർവർഗങ്ങൾ ഡയറ്റില്‍ ഉള്‍പ്പെടുത്താം.
രണ്ട്
ഫൈബര്‍ ധാരാളം അടങ്ങിയ പയർവർഗങ്ങൾ കഴിക്കുന്നത് രക്തത്തിലെ പഞ്ചസാരയുടെ അളവിനെ നിയന്ത്രിക്കാനും സഹായിക്കും. അതിനാല്‍ പ്രമേഹ രോഗികള്‍ക്ക് പയറുവര്‍ഗങ്ങള്‍ ധാരാളമായി കഴിക്കാം.
മൂന്ന്
ഫൈബര്‍, പൊട്ടാസ്യം, ഫോളേറ്റ് തുടങ്ങിയവ അടങ്ങിയ പയർവർഗങ്ങൾ കഴിക്കുന്നത് രക്തസമ്മര്‍ദ്ദത്തെ നിയന്ത്രിക്കാനും കൊളസ്ട്രോളിനെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.
നാല്
അയേണ്‍ അഥവാ ഇരുമ്പ് ധാരാളം അടങ്ങിയ പയർവർഗങ്ങൾ കഴിക്കുന്നത് വിളര്‍ച്ചയെ തടയാനും ഗുണം ചെയ്യും.
അഞ്ച്
ശരീരത്തിന് വേണ്ട ഊര്‍ജം ലഭിക്കാനും പയർവർഗങ്ങൾ സഹായിക്കും.
ആറ്
പ്രോട്ടീനിന്‍റെ കലവറയാണ് പയർവർഗങ്ങൾ. അതിനാല്‍ ഇവ ശരീര ഭാരം നിയന്ത്രിക്കാന്‍ ശ്രമിക്കുന്നവര്‍ക്ക് നല്ലതാണ്. കൂടാതെ ഇവയില്‍ ഫൈബറും ധാരാളം അടങ്ങിയിട്ടുണ്ട്. അതിനാല്‍ വിശപ്പ് കുറയ്ക്കാനും പയർവർഗങ്ങൾ കഴിക്കാവുന്നതാണ്.
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.
Also read: തൈര് കഴിക്കുന്നത് കൊളസ്ട്രോളിന്‍റെ അളവ് കൂട്ടുമോ?