'ഖുഷി' റിലീസ് ദിനം നേടിയ കളക്ഷന്റെ റിപ്പോര്‍ട്ട്.
തെലുങ്കില്‍ യുവ നായകൻമാരില്‍ ജനപ്രീതിയുള്ള താരമാണ് വിജയ് ദേവെരകൊണ്ട. നിരവധി ഹിറ്റ് സിനിമകളില്‍ നായികയായ താരമാണ് സാമന്ത. ഒറ്റയ്ക്ക് ഒരു സിനിമ വിജയിപ്പിക്കുന്ന താരവുമാണ് സാമന്ത. വിജയ് ദേവെരകൊണ്ടയും സാമന്തയും ഒന്നിച്ച 'ഖുഷി' ബോക്സ് ഓഫീസില്‍ മികച്ച ഒരു തുടക്കമാണ് നടത്തിയിരിക്കുന്നത് എന്നാണ് റിപ്പോര്‍ട്ട്.
'ഖുഷി' ഇന്നലെയാണ് ലോകമെമ്പാടുമായി പ്രദര്‍ശനത്തിനെത്തിയത്. വിജയ് ദേവെരകൊണ്ടയുടെ ചിത്രം 26 കോടി രൂപ നേടിയെന്ന് കണക്കാക്കുന്നു എന്നാണ് ആന്ധ്രാബോക്സ്ഓഫീസ്‍ ഡോട് കോം റിപ്പോര്‍ട്ട് ചെയ്യുന്നത്. യഥാര്‍ഥ കണക്കില്‍ വ്യത്യാസമുണ്ടായേക്കാമെന്നുമാണ് റിപ്പോര്‍ട്ട്. ശിവ നിര്‍വാണയാണ് ചിത്രത്തിന്റെ സംവിധാനം.
undefined
ഒരു റൊമാന്റിക് കോമഡി ചിത്രമായിട്ടാണ് 'ഖുഷി' ഒരുക്കിയിരിക്കുന്നത്. 'വിപ്ലവ്' എന്ന നായകനായി വിജയ്‍യും ചിത്രത്തില്‍ 'ആരാധ്യ' എന്ന നായികയായി സാമന്തയും വേഷമിട്ടിരുന്നു. വ്യത്യസ്‍ത വീക്ഷണകോണില്‍ ജീവിക്കുന്ന ഇരുവരും വിവാഹിതരാകുന്നതോടെ നടക്കുന്ന സംഘര്‍ഷങ്ങളാണ് പ്രമേയം. യുക്തിചിന്താഗതിയുള്ളയാളാണ് 'വിപ്ലവെ'ങ്കില്‍ വിശ്വാസിയാണ് 'ആരാധ്യ'.
ഫീല്‍ഗുഡ് എന്റര്‍ടെയ്‍നര്‍ ചിത്രമാണ് 'ഖുഷി'. തമാശയ്‍ക്കും പ്രധാന്യം നല്‍കിയിരിക്കുന്നു 'ഖുഷി'യില്‍. മണിരത്നം, എ ആര്‍ റഹ്‍മാൻ, വിജയ്, സാമന്ത തുടങ്ങിയവരുടെ നിരവധി ഹിറ്റ് സിനിമകളുടെ റെഫറൻസും 'ഖുഷി'യില്‍ വര്‍ക്കായിരിക്കുന്നു. 'ലൈഗര്‍' എന്ന ചിത്രത്തിന്റെ പരാജയത്തിന് ശേഷം നടൻ വിജയ് ദേവെരകൊണ്ടയ്‍ക്ക് ആശ്വാസം നല്‍കിയിരിക്കുകയാണ് 'ഖുഷി'യുടെ വിജയം എങ്കില്‍ 'ശാകുന്തള'ത്തിനു ശേഷം സാമന്തയ്‍ക്കും നായികയെന്ന നിലയില്‍ അടയാളപ്പെടുത്തലാകുന്ന 'ആരാധ്യ' എന്ന കഥാപാത്രം. ചിത്രം മൈത്രി മൂവി മേക്കേഴ്‍സിന്റെ ബാനറിലാണ് നിര്‍മിച്ചിരിക്കുന്നത്. കശ്‍മീര്‍ അടക്കമുള്ള മനോഹരമായ സ്ഥലങ്ങളില്‍ 'ഖുഷി' ചിത്രീകരിച്ചപ്പോള്‍ ഛായാഗ്രാഹണം നിര്‍വഹിച്ചിരിക്കുന്നത് മുരളി ജി ആണ്. 'ഹൃദയം' എന്ന ഹിറ്റ് ചിത്രത്തിന്റെ സംഗീതം ഒരുക്കിയ ഹിഷാം അബ്‍ദുള്‍ വഹാബ് വിജയ് ദേവരെകൊണ്ടയുടെ 'ഖുഷി'യിലെ പാട്ടുകളിലൂടെ തെലുങ്ക് പ്രേക്ഷകരുടെയും പ്രിയം സമ്പാദിക്കുന്നു.
Read More: 'എമ്പുരാനെ'ക്കുറിച്ചുള്ള ആ വാര്‍ത്തയില്‍ വാസ്‍തവമുണ്ടോ?, പ്രതികരിച്ച് പൃഥ്വിരാജ്
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക