ദ വാക്സിൻ വാര്‍ സിനിമയുടെ കളക്ഷൻ റിപ്പോര്‍ട്ട് പുറത്ത്.
സംവിധായകൻ വിവേക് അഗ്നിഹോത്രിയുടെ ചിത്രമാണ് ദ വാക്സിൻ വാര്‍. കൊവാക്സിൻ നിര്‍മിക്കുന്ന ശാസ്‍ത്രജ്ഞരുടെ പ്രവര്‍ത്തനങ്ങളാണ് ചിത്രത്തിന്റെ പ്രമേയം. ദ വാക്സിൻ വാര്‍ സിനിമയുടെ കളക്ഷൻ റിപ്പോര്‍ട്ട് നിരാശാജനമാകുകയാണ്. ദ വാക്സിൻ വാര്‍ നാലാം ദിവസം ആഗോള ബോക്സ് ഓഫീസില്‍ നേടിയത് 2.20 കോടിയും ചേര്‍ത്ത് 5.70 കോടി രൂപ ആയതേയുള്ളൂ.
പല്ലവി ജോഷിയും നാനാ പടേകറും ചിത്രത്തില്‍ പ്രധാന വേഷങ്ങളിലുണ്ട്. സംവിധായകൻ വിവേക് അഗ്നിഹോത്രിയുടെ പുതിയ ചിത്രത്തില്‍ പല്ലവി ജോഷി, നാനാ പടേകര്‍, എന്നിവര്‍ക്കു പുറമേ റെയ്‍മ സെൻ, അനുപം ഖേര്‍, ഗിരിജ, നിവേദിത ഭട്ടാചാര്യ, സപ്‍തമി ഗൗഡ, മോഹൻ കൗപുര്‍ എന്നിവരും വേഷമിടുന്നു. ഹിന്ദിക്ക് പുറമേ തമിഴിലും തെലുങ്കിലും ചിത്രം പ്രദര്‍ശനത്തിന് എത്തിയെങ്കിലും ദ വാക്സിൻ വാര്‍ നിരാശപ്പെടുത്തുകയാണ്. ചിത്രം ഒരു യഥാര്‍ഥ കഥയായിരിക്കും പറയുന്നത് എന്ന് ദ വാക്സിൻ വാര്‍ പ്രഖ്യാപിക്കുമ്പോള്‍ സംവിധായകൻ വിവേക് അഗ്നിഹോത്രി വെളിപ്പെടുത്തിയിരുന്നെങ്കിലും അതൊന്നും ആകര്‍ഷകമായ ഘടകമായി മാറുന്നില്ല.
undefined
ഡിസ്‍നി പ്ലസ് ഹോട്‍സ്റ്റാറിലായിരിക്കും സ്‍ട്രീമിംഗ്. തിയറ്റര്‍ റിലീസിന് ഒരു മാസത്തിന് ശേഷമാണ് ദ വാക്സിൻ വാര്‍ ഡിസ്‍നി പ്ലസ് ഹോട്‍സ്റ്റാറില്‍ സ്‍ട്രീമിംഗ് തുടങ്ങുക എന്ന് നേരത്തെ റിപ്പോര്‍ട്ടുകളുണ്ടായിരുന്നു. രണ്ട് മണിക്കൂര്‍ 40 മിനിട്ടാണ് ദൈര്‍ഘ്യം. ചിത്രത്തിന് യു സര്‍ട്ടിഫിക്കറ്റാണ് ലഭിച്ചിരിക്കുന്നത്.
ദ കശ്‍മിര്‍ ഫയല്‍സ് എന്ന ചിത്രത്തിലൂടെ രാജ്യമൊട്ടാകെ ശ്രദ്ധയാകര്‍ഷിക്കാൻ വിവേക് അഗ്നിഹോത്രിക്ക് ആയതിനാല്‍ പ്രേക്ഷകരുടെ ചര്‍ച്ചകളില്‍ നിറഞ്ഞുനില്‍ക്കുന്ന സംവിധായകനാണ്. കശ്‍മിരി പണ്ഡിറ്റുകളുടെ പലായനത്തിന്‍റെ കഥ പറഞ്ഞ 'ദ കശ്‍മിര്‍ ഫയല്‍സി'ന് ബോക്സ് ഓഫീസില്‍ തുടക്കത്തില്‍ നേട്ടമുണ്ടാക്കാനായിരുന്നില്ലെങ്കിലും പിന്നീട് 340.92 കോടി നേടി വിസ്‍മയിപ്പിച്ചു. ഛായാഗ്രാഹണം ഉദയ്‍സിംഗ് മോഹിതാണ്. അനുപം ഖേര്‍, മിഥുൻ ചക്രവർത്തി, ദർശൻ കുമാർ, പല്ലവി ജോഷി, ചിന്മയി മാണ്ട്ലേകർ, പുനീത് ഇസ്സർ, പ്രകാശ് ബേലവാടി, അതുൽ ശ്രീവാസ്‍തവ, മൃണാൽ കുൽക്കർണി എന്നിവരും വിവേക് അഗ്നിഹോത്രിയുടെ ചിത്രത്തില്‍ വേഷമിട്ടു.
Read More: തമിഴ്‍നാട്ടിലെ റെക്കോര്‍ഡുകള്‍ തകര്‍ക്കാൻ വിജയ് ചിത്രം, ലിയോയിലെ പ്രതീക്ഷകള്‍
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക