ഷാരൂഖ് ഖാൻ നായകനായ ജവാന്റെ കളക്ഷൻ റിപ്പോര്‍ട്ട് പുറത്ത്.
ഷാരൂഖ് ഖാൻ നായകനായെത്തിയ പുതിയ സിനിമ അമ്പരപ്പിക്കുന്ന വിജയമാണ് നേടിയത്. ആഗോളതലത്തില്‍ ഷാരൂഖിന്റെ ജവാൻ 1000 കോടി രൂപ നേടി റെക്കോര്‍ഡിട്ടിരുന്നു. ഇപ്പോഴിതാ ഷാരൂഖിന്റെ ജവാൻ 1103 കോടി എന്ന മറ്റൊരു റെക്കോര്‍ഡിലും എത്തിയിരിക്കുകയാണ്. . ഇന്ത്യയില്‍ ഒരു ഹിന്ദി സിനിമയുടെ കളക്ഷനില്‍ ഒന്നാം സ്ഥാനത്ത് ഷാരൂഖ് ഖാന്റെ ജവാൻ ഇതിനകം എത്തിയിരുന്നു.
ഇന്ത്യയില്‍ മാത്രം ജവാൻ 619.92 കോടി രൂപയാണ് നേടിയത്. ഹിന്ദിയില്‍ ജവാൻ നേടിയത് 59.89 കോടി രൂപയാണ്. മറ്റ് ഭാഷകളില്‍ ജവാൻ 59.89 കോടി രൂപയും നേടി. വിദേശത്ത് ഷാരൂഖിന്റെ ജവാൻ 369.90 കോടി രൂപയാണ് നേടിയത്.
undefined
വിദേശത്തും ഷാരൂഖ് ഖാന്റെ ജവാൻ കളക്ഷൻ റെക്കോര്‍ഡുകള്‍ തിരുത്തിയിരുന്നുവെന്നാണ് ബോക്സ് ഓഫീസ് റിപ്പോര്‍ട്ടുകള്‍. മിഡില്‍ ഈസ്റ്റില്‍ 100 കോടി 33 ലക്ഷത്തിലധികം നേടിയിരിക്കുകയാണ്. മിഡില്‍ ഈസ്റ്റില്‍ ഒരു ഇന്ത്യൻ സിനിമയുടെ റെക്കോര്‍ഡാണ് ജവാൻ നേടിയിരിക്കുന്നത് എന്നാണ് വ്യക്തമായിരിക്കുന്നത്. ആഗോള ബോക്സ് ഓഫീസില്‍ ഷാരൂഖ് ചിത്രം ജവാൻ അത്ഭുതങ്ങള്‍ സൃഷ്‍ടിക്കുകയാണെന്നാണ് റിപ്പോര്‍ട്ട്.
തമിഴ് ഹിറ്റ്‍മേക്കര്‍ അറ്റ്‍ലിയുടെ ഹിന്ദി ചിത്രം വൻ വിജയമാണ് നേടിക്കൊണ്ടിരിക്കുന്നത്. ഷാരൂഖ് ഖാന്റെ നായികയായി നയൻതാരയും ചിത്രത്തില്‍ മികച്ച പ്രകടനം നടത്തി. ഇതാദ്യമായിട്ടാണ് നയൻതാര ഒരു ബോളിവുഡ് ചിത്രത്തില്‍ നായികയായി വേഷമിടുന്നതും. ഷാരൂഖ് ഖാൻ നായകനാകുന്ന പതിവ് സിനിമകളില്‍ നിന്ന് വ്യത്യസ്‍തമായി രാഷ്‍ട്രീയ സന്ദേശം പകരുന്നതുമാണ് ജവാൻ. ജവാനില്‍ വിജയ് സേതുപതിയാണ് വില്ലനായി എത്തിയത്. സഞ്‍ജയ് ദത്ത് അതിഥി വേഷത്തിലുണ്ടായിരുന്നു. ഷാരൂഖ് ഖാൻ നായകനായ ഹിറ്റ് ചിത്രത്തില്‍ ദീപിക പദുക്കോണ്‍, സന്യ മല്‍ഹോത്ര, സുനില്‍ ഗ്രോവര്, റിദ്ധി ദോഗ്ര, സഞ്‍ജീത ഭട്ടാചാര്യ, ഗിരിജ, ഇജാസ് ഖാൻ, കെന്നി, ജാഫര്‍ സാദിഖ് തുടങ്ങി ഒട്ടേറെ താരങ്ങള്‍ വേഷമിട്ടു.
Read More: ലിയോയിലെ വിജയ്‍യുടെ സ്റ്റൈലൻ ലുക്കിനെ കുറിച്ച് വെളിപ്പെടുത്തല്‍
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക