ലോകമെമ്പാടുമായി 5700 ല്‍ അധികം സ്ക്രീനുകളിലാണ് ചിത്രം ഇന്ന് പ്രദര്‍ശനം ആരംഭിച്ചിരിക്കുന്നത്. ഇപ്പോഴിതാ ചിത്രത്തിന്‍റെ ആദ്യ ദിന പ്രതികരണങ്ങളാണ് ട്വിറ്ററില്‍ നിറയെ.
മുംബൈ: ബോളിവുഡിന് എന്നും വലിയ ചിത്രങ്ങള്‍ സമ്മാനിച്ച സീസണാണ് ഈദ്. വലിയ ഹൈപ്പുമായി എത്തി വിജയം കൊയ്യുന്ന ചിത്രങ്ങള്‍ ബോളിവുഡ് പ്രേക്ഷകര്‍ക്കായി ഈദിന് എത്തിക്കാറുള്ളത് സല്‍മാന്‍ ഖാനാണ്. ഒരിടവേളയ്ക്കു ശേഷമാണ് മറ്റൊരു സല്‍മാന്‍ ഖാന്‍ ചിത്രം ഈദ് റിലീസ് ആയി തിയറ്ററുകളില്‍ എത്തിയിരിക്കുന്നത്. ഫര്‍ഹാദ് സാംജി സംവിധാനം ചെയ്തിരിക്കുന്ന കിസീ കാ ഭായ് കിസീ കി ജാന്‍ ആണ് ആ ചിത്രം.
ലോകമെമ്പാടുമായി 5700 ല്‍ അധികം സ്ക്രീനുകളിലാണ് ചിത്രം ഇന്ന് പ്രദര്‍ശനം ആരംഭിച്ചിരിക്കുന്നത്. ഇപ്പോഴിതാ ചിത്രത്തിന്‍റെ ആദ്യ ദിന പ്രതികരണങ്ങളാണ് ട്വിറ്ററില്‍ നിറയെ. ഒന്നുകില്‍ വമ്പന്‍ ഹിറ്റ്, പരാജയപ്പെടുന്നപക്ഷം വന്‍ പരാജയം ഇങ്ങനെ രണ്ട് തരത്തിലാണ് ഇന്ന് സിനിമയുടെ ബോക്സ് ഓഫീസ് വിജയ പരാജയങ്ങള്‍. എന്തായാലും പരാജയ വഴിയേ നീങ്ങില്ല കിസീ കാ ഭായ് കിസീ കി ജാന്‍ എന്നാണ് ആദ്യദിന പ്രതികരണങ്ങള്‍ സൂചിപ്പിക്കുന്നത്.
undefined
ഇപ്പോള്‍ ആദ്യ ദിനത്തില്‍ ബോക്സോഫീസ് ക്ലോസ് ചെയ്യാന്‍ മണിക്കൂറുകള്‍ മാത്രം ഉള്ളപ്പോള്‍ ചിത്രത്തിന്‍റെ ആദ്യ ദിനത്തിലെ കളക്ഷന്‍ സംബന്ധിച്ച പ്രവചനങ്ങള്‍ പുറത്തുവരുന്നുണ്ട്. സല്‍മാന്‍റെ ഈ മാസ് മസാല ചിത്രം ആദ്യ ദിനത്തില്‍ 15 മുതല്‍ 20 കോടി വരെ നേടും എന്നാണ് വിവരം. എന്നാല്‍ ഇതിലും കൂടാനുള്ള സാധ്യതയും വിപണി വിദഗ്ധര്‍ തള്ളികളയുന്നില്ല. ഉച്ചയോടെ കൂടി പൊസറ്റീവ് റിവ്യൂകള്‍ ലഭിച്ചതിനാല്‍ രാത്രി വൈകിയുള്ള ഷോകളില്‍ ആളുകള്‍ കൂടുതല്‍ കയറിയേക്കാം എന്നാണ് കണക്കുകൂട്ടല്‍. അങ്ങനെ സംഭവിച്ചാല്‍ തുക ഇനിയും ഉയരാം.
മാസ് മസാല ചിത്രമെന്നും ആദ്യാവസാനം സല്‍മാന്‍ ഖാന്‍ ഷോ ആണെന്നുമാണ് ചിത്രത്തെക്കുറിച്ച് പ്രമുഖ ട്രേഡ് അനലിസ്റ്റ് ആയ തരണ്‍ ആദര്‍ശ് പറഞ്ഞിരിക്കുന്നത്. സല്‍മാന്‍ ഖാന്‍റെ താരപരിവേഷത്തില്‍ ഊന്നിയാണ് ചിത്രത്തിന്‍റെ മുഴുനീള യാത്ര. ഗംഭീര ആക്ഷന്‍ സീക്വന്‍സുകളും സൌണ്ട് ട്രാക്കും ദൃശ്യഭംഗിയുള്ള ഫ്രെയ്നുകളുമൊക്കെ ചിത്രത്തിന്‍റെ പ്ലസ് ആണ്. തിരക്കഥയിലെ പോരായ്മ മൂലം പ്രശ്നം നേരിടുന്ന ആദ്യപകുതിയേക്കാള്‍ രണ്ടാം പകുതിയാണ് മികച്ച് നില്‍ക്കുന്നതെന്നും സല്‍മാന്‍ ആരാധകര്‍ക്ക് ചിത്രം ഉറപ്പായും ഇഷ്ടമാവുമെന്നും തരണ്‍ ട്വിറ്ററില്‍ കുറിച്ചത്.
സല്‍മാന്‍ ഖാന്‍ ഫിലിംസിന്‍റെ ബാനറില്‍ സല്‍മാന്‍ ഖാന്‍ തന്നെ നിര്‍മ്മിച്ചിരിക്കുന്ന ചിത്രത്തിന്‍റെ ഛായാഗ്രാഹകന്‍ വി മണികണ്ഠന്‍ ആണ്. അസോസിയേറ്റ് പ്രൊഡ്യൂസര്‍ ഷമിറാ നമ്പ്യാര്‍, സംഗീതം ഹിമേഷ് രഷമിയ, രവി ബസ്‍രൂര്‍, സുഖ്‍ബീര്‍ സിംഗ്, ദേവി ശ്രീ പ്രസാദ്, സാജിദ് ഖാന്‍, പായല്‍ ദേവ്, അമാല്‍ മാലിക് എന്നിവരാണ്. പശ്ചാത്തല സംഗീതം രവി ബസ്‍രൂര്‍, എഡിറ്റിംഗ് മയൂരേഷ് സാവന്ത്, പ്രൊഡക്ഷന്‍ ഡിസൈന്‍ രജത് പൊദ്ദാര്‍.
വിഷു വിന്നര്‍, ഈദിനും തിയറ്റര്‍ നിറയ്ക്കാന്‍ 'മദനോത്സവം'; പ്രേക്ഷകപ്രീതിയോടെ രണ്ടാം വാരത്തിലേക്ക്
എങ്ങനെയുണ്ട് സല്‍മാന്‍റെ പുതിയ വരവ്? 'കിസീ കാ ഭായ് കിസീ കി ജാന്‍' ആദ്യ പ്രതികരണങ്ങള്‍