തിരുവനന്തപുരം: 'ഞാന്‍ മഹേഷിന്റെ പ്രതികാരം ഓണ്‍ലൈനില്‍ കണ്ടുപോയി, ചേട്ടായി എന്നോട് ക്ഷമിക്കണം. സംവിധായകന്‍ ആഷിക് അബുവിനെ തേടിയാണ് അസാധാരണമായ ഈ മെസേജ് എത്തിയത്. ആഷിക് തന്നെയാണ് രസകരമായ ഈ മെസേജ് ഫേസ്ബുക്കില്‍ ഷെയര്‍ ചെയ്തത്
കാനഡയിലുള്ള ഒരാളാണ് ഈ മെസേജ് അയച്ചത്. താന്‍ ഓണ്‍ലൈനില്‍ മഹേഷിന്റെ പ്രതികാരം കണ്ടുവെന്നും ഈയടുത്തു കണ്ട ഏറ്റവും നല്ല ഈ സിനിമ കാശു മുടക്കാതെ കാണുന്നത് ശരിയല്ലെന്നു തോന്നുന്നതായുമാണ് മെസേജ്. ബാങ്ക് വിവരങ്ങള്‍ അയച്ചു കൊടുത്താല്‍ ഇതിനുള്ള തുക അയച്ചു തരാമെന്നും മെസേജില്‍ പറയുന്നു.
undefined
ഇതാണ് ആഷിക് ഷെയര്‍ ചെയ്ത മെസേജ്:
ചേട്ടായ് എന്നോട് ക്ഷമിക്കണം ഞാന്‍ 'മഹേഷിന്റെ പ്രതികാരം' ഫേസ്ബുക്കില്‍ കണ്ടു പോയ്. പട്ടിണിയില്‍ ഇരിക്കുന്നവന്റെ മുന്‍പില്‍ പാല്‍പായസം കൊണ്ട് വെച്ചത്‌പോലെ ആയിരുന്നു എന്റെ അവസ്ഥ. ഞാന്‍ കാനഡയില്‍ താമസിക്കുന്ന സ്ഥലലത്ത് മലയാളം പടം കാണാന്‍ ഉള്ള സൌകര്യം ഇല്ല. അത്‌കൊണ്ടാണ് ഞാന്‍ കണ്ടുപോയത്.
പക്ഷെ ചുമ്മാ വെറും ഊള പടം ആയിരുന്നെങ്ങില്‍ ഞാന്‍ ഈ message അയക്കില്ലയിരുന്നു. M.P ഞാന്‍ ഈ ഇടയ്ക്ക് കണ്ടത്തില്‍ ഏറ്റവും മികച്ച പടമാണ്. അത് കൊണ്ട് ഞാന്‍ ചേട്ടായ്ക്ക് പൈസ അയച്ചു തരാന്‍ തീരുമാനിച്ചു. ഞാന്‍ 'ലീല' ഓണ്‍ലൈനില്‍ കണ്ടപ്പോള്‍ $20 ആണ് പേ ചെയ്തത്. So if you please give me your bank account no, IFSC code and Branch no, i will send you the money. If you have any other way to pay you, that is more than welcome.
The movie was awesome.!!
Thank you Jerry..