എസ് ജെ സൂര്യയുടെ തമിഴ് ക്രൈം ത്രില്ലറിന്റെ ട്രെയിലര്‍ പുറത്ത്.
എസ് ജെ സൂര്യ നായകനാകുന്ന വെബ് സീരീസാണ് 'വദന്തി - ദി ഫെബിൾ ഓഫ് വെലോണി'. തമിഴ് ക്രൈം ത്രില്ലറായ സീരീസില്‍ ഒരു പൊലീസ് ഓഫീസറായിട്ടാണ് എസ് ജെ സൂര്യ അഭിനയിക്കുന്നത്. എസ് ജെ സൂര്യ ഇതാദ്യമായിട്ടാണ് ഒരു വെബ് സീരീസില്‍ നായകനായി എത്തുന്നത്. പ്രേക്ഷകര്‍ പ്രതീക്ഷയോടെ കാത്തിരിക്കുന്ന സീരീസായ 'വദന്തി - ദി ഫെബിൾ ഓഫ് വെലോണി'യുടെ ട്രെയിലര്‍ പുറത്തുവിട്ടു.
ആമസോണ്‍ പ്രൈം വീഡിയോയിലാണ് സീരീസ് സ്‍ട്രീം ചെയ്യുക. ഡിസംബര്‍ രണ്ടിനാണ് സീരീസ് സ്‍ട്രീം ചെയ്‍തു തുടങ്ങുക. ആൻഡ്രൂ ലൂയിസാണ് സീരീസ് സംവിധാനം ചെയ്യുന്നത്. ഹിന്ദി, തെലുങ്ക്, മലയാളം, കന്നഡ എന്നീ ഭാഷകളിൽ എട്ട് എപ്പിസോഡുകളായിട്ടാണ് സീരീസ് സ്‍ട്രീം ചെയ്യുക.
കിംവദന്തികൾ എന്നർത്ഥം വരുന്ന 'വദന്തി', പേര് പോലെ തന്നെ, ഈ ഷോ പ്രേക്ഷകരെ യുവ സുന്ദരി 'വെലോനി'യുടെ ലോകത്തേക്ക് കൊണ്ടുപോകുന്നു, പുതുമുഖമായ സഞ്ജന അവതരിപ്പിച്ച ഈ കഥാപാത്രം കിംവദന്തികൾ നിറഞ്ഞതാണ്. പ്രശ്‍നക്കാരനായ എന്നാൽ നിശ്ചയദാർഢ്യമുള്ള ഒരു പോലീസുകാരനാനായിട്ടാണ് എസ് ജെ സൂര്യ വേഷമിടുന്നത്. ചെറിയ പട്ടണത്തിന്‍റെ സമ്പന്നവും പാളികളുള്ളതുമായ 'ടേപ്പ്‌സ്ട്രി വെലോനി' എന്ന കെട്ടുകഥയെ കൂടുതൽ സങ്കീർണ്ണവും എന്നാൽ നിഗൂഢവുമാക്കുന്നു. നിരൂപക പ്രശംസ നേടിയ സുഴൽ - ദി വോർട്ടക്‌സിന് ശേഷം, ഈ തമിഴ് ക്രൈം ത്രില്ലർ, നിർമ്മിച്ചിരിക്കുന്നത് വാൾവാച്ചർ ഫിലിംസിന്‍റെ ബാനറിൽ പുഷ്‌കറും ഗായത്രിയും ചേർന്നാണ്. ലൈല, എം നാസർ, വിവേക് പ്രസന്ന, കുമാരൻ, സ്‍മൃതി വെങ്കട്ട് തുടങ്ങിയ പ്രമുഖ അഭിനേതാക്കളും ഇതിൽ പ്രധാന വേഷങ്ങളിൽ അഭിനയിക്കുന്നു. ഗൗതം സെല്‍വരാജാണ് സീരീസിന്റെ എക്സിക്യൂട്ടീവ് പ്രൊഡ്യൂസര്‍.
'മാര്‍ക്ക് ആന്റണി' എന്ന ചിത്രമാണ് എസ് ജെ സൂര്യയുടേതായി പൂര്‍ത്തിയായിക്കൊണ്ടിരിക്കുന്നത്. വിശാല്‍ നായകനാകുന്ന ചിത്രത്തില്‍ എസ് ജെ സൂര്യക്ക് പ്രധാനപ്പെട്ട ഒരു വേഷമാണ്. ആദിക് രവിചന്ദ്രനാണ് ചിത്രം സംവിധാനം ചെയ്യുന്നത്. ഉമേഷ് രാജ്‍കുമാറാണ് ചിത്രത്തിന്റെ പ്രൊഡക്ഷൻ ഡിസൈൻ.
Read More: 'ഉപ്പേന' സംവിധായകന്റെ ചിത്രം, ഭിന്നശേഷിയുളള കായിക താരമാകാൻ രാം ചരണ്‍