കൊവിഡും യൂറോപ്യൻ യുദ്ധവുമടക്കമുള്ള വലിയ പ്രതിസന്ധികളുടെ നടുവിൽ നിന്ന് ആ കൊടുങ്കാറ്റിന്‍റെ മറുവശത്ത് ജനങ്ങളെ എത്തിച്ചതിനും പ്രധാനമന്ത്രിക്കും ധനമന്ത്രിക്കും നന്ദി പറയുന്നു എന്നും രാജീവ് ചന്ദ്രശേഖർ
ദില്ലി: നവ ഇന്ത്യയെ സംബന്ധിച്ചിടത്തോളം ഏറെ സുപ്രധാനമായ ബജറ്റാണ് ധനമന്ത്രി നിർമ്മല സീതാരാമൻ ഇന്ന് പാർലമെന്റിൽ അവതരിപ്പിച്ചതെന്ന് കേന്ദ്രമന്ത്രി രാജീവ് ചന്ദ്രശേഖർ അഭിപ്രായപ്പെട്ടു. മൂലധനം , ഡിജിറ്റലൈസേഷൻ, ആധുനിക നഗരങ്ങൾ, യുവാക്കൾക്ക് നൈപുണ്യ നിക്ഷേപം, ഇടത്തരക്കാരുടെ നികുതി കുറക്കൽ എന്നീ അഞ്ച് നടപടികൾ എടുത്തുപറഞ്ഞ കേന്ദ്രമന്ത്രി, വിപുലമായ ഇളവുകൾക്കൊപ്പം എല്ലാവർക്കും പിന്തുണയും അവസരങ്ങളും ബജറ്റ് 2023 ഉറപ്പാക്കുന്നു എന്നും ചൂണ്ടികാട്ടി. കൊവിഡും യൂറോപ്യൻ യുദ്ധവുമടക്കമുള്ള വലിയ പ്രതിസന്ധികളുടെ നടുവിൽ നിന്ന് ആ കൊടുങ്കാറ്റിന്‍റെ മറുവശത്ത് ജനങ്ങളെ എത്തിച്ചതിനും പ്രധാനമന്ത്രിക്കും ധനമന്ത്രിക്കും നന്ദി പറയുന്നു എന്നും രാജീവ് ചന്ദ്രശേഖർ കൂട്ടിച്ചേർത്തു.
undefined
രാജീവ് ചന്ദ്രശേഖറിന്‍റെ വാക്കുകൾ
ലോകത്തെ വലിയൊരു സാമ്പത്തിക ശക്തിയായി ഉയർന്നുകൊണ്ടിരിക്കുന്ന നവ ഇന്ത്യയെ സംബന്ധിച്ചിടത്തോളം ഏറെ സുപ്രധാനമായ ഒരു ബജറ്റാണ് ധനമന്ത്രി നിർമ്മല സീതാരാമൻ ഇന്ന് പാർലമെന്റിൽ അവതരിപ്പിച്ചത്. മൂലധനം , ഡിജിറ്റലൈസേഷൻ, ആധുനിക നഗരങ്ങൾ, യുവാക്കൾക്ക് നൈപുണ്യ നിക്ഷേപം, ഇടത്തരക്കാരുടെ നികുതി കുറക്കൽ തുടങ്ങി വിപുലമായ ഇളവുകൾക്കൊപ്പം എല്ലാവർക്കും പിന്തുണയും അവസരങ്ങളും ബജറ്റ് 2023 ഉറപ്പാക്കുന്നു.
ലോക രാഷ്ട്രങ്ങൾ രണ്ട് വർഷത്തെ കൊവിഡ് മഹാമാരിയുടെയും യൂറോപ്യൻ യുദ്ധത്തിന്റെയും പ്രത്യാഘാതങ്ങളിൽ നിന്ന് കരകയറാനുള്ള പോരാട്ടത്തിൽ മുഴുകുമ്പോൾ , പ്രധാനമന്ത്രി നരേന്ദ്ര മോദിയുടെ കീഴിലുള്ള ഇന്ത്യ ശക്തമായ സമ്പദ്‌വ്യവസ്ഥ ഉയർത്തുകയും രാജ്യത്തെ മധ്യവർഗത്തിന് നികുതിയിളവ് നൽകുകയും കർഷകർക്കും എം എസ് എം ഇകൾക്കും കൂടുതൽ ആനുകൂല്യങ്ങൾ ഉറപ്പാക്കുകയും ചെയ്യുന്നു. ഇന്ത്യയും ഇന്ത്യക്കാരും അഭിമുഖീകരിച്ച എക്കാലത്തെയും മോശമായ ഈ പ്രതിസന്ധികൾക്ക് നടുവിൽ നിന്ന് സമർത്ഥമായി ഉയർന്നുവന്നതിനും ആ കൊടുങ്കാറ്റിന്‍റെ മറുവശത്ത് ജനങ്ങളെ എത്തിച്ചതിനും പ്രധാനമന്ത്രിക്കും ധനമന്ത്രിക്കും നന്ദി പറയുന്നു.