2024 ഡിസംബറിൽ സ്കോഡ കുഷാക്ക് വാങ്ങുന്നതിലൂടെ ഉപഭോക്താക്കൾക്ക് രണ്ട് ലക്ഷത്തിലധികം രൂപ ലാഭിക്കാം. ഈ കിഴിവിനെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം.
ഇന്ത്യൻ ഉപഭോക്താക്കൾക്കിടയിൽ ജനപ്രിയമായ ഹ്യുണ്ടായ് ക്രെറ്റ, മാരുതി ഗ്രാൻഡ് വിറ്റാര, ടൊയോട്ട ഹെയ്‌റൈഡർ തുടങ്ങിയ ഇടത്തരം എസ്‌യുവികളുമായി മത്സരിക്കുന്ന സ്കോഡ കുഷാക്കിന് ബമ്പർ ഡിസ്‌കൗണ്ടുകൾ ലഭിക്കുന്നു. 2024 ഡിസംബറിൽ സ്കോഡ കുഷാക്ക് വാങ്ങുന്നതിലൂടെ ഉപഭോക്താക്കൾക്ക് രണ്ട് ലക്ഷത്തിലധികം രൂപ ലാഭിക്കാം എന്ന് ഓട്ടോ കാർ ഇന്ത്യ റിപ്പോർട്ട് ചെയ്യുന്നു. കിഴിവിനെക്കുറിച്ചുള്ള കൂടുതൽ വിവരങ്ങൾക്ക്, ഉപഭോക്താക്കൾക്ക് അവരുടെ അടുത്തുള്ള ഡീലർഷിപ്പുമായി ബന്ധപ്പെടാം. സ്കോഡ കുഷാക്കിൻ്റെ സവിശേഷതകൾ, പവർട്രെയിൻ, വില എന്നിവയെക്കുറിച്ച് വിശദമായി അറിയാം.
കാറിൻ്റെ ഇൻ്റീരിയറിൽ, കണക്റ്റുചെയ്‌ത കാർ സാങ്കേതികവിദ്യയുള്ള എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം, എട്ട് ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, സിംഗിൾ പാൻ സൺറൂഫ്, വെൻ്റിലേറ്റഡ് ഫ്രണ്ട് സീറ്റുകൾ, ആറ് സ്പീക്കർ സൗണ്ട് സിസ്റ്റം, വയർലെസ് ഫോൺ ചാർജിംഗ് തുടങ്ങിയ സവിശേഷതകൾ ഉപഭോക്താക്കൾക്ക് ലഭിക്കും. സ്കോഡ കുഷാക്കിൻ്റെ മുൻനിര വകഭേദങ്ങളിൽ 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റവും ലഭ്യമാണ്. ഇതിന് പുറമെ സുരക്ഷയ്ക്കായി ആറ് എയർബാഗുകളും കാറിലുണ്ട്. മുൻനിര മോഡലിന് 10.89 ലക്ഷം മുതൽ 18.79 ലക്ഷം രൂപ വരെയാണ് സ്കോഡ കുഷാക്കിൻ്റെ എക്‌സ് ഷോറൂം വില.
സ്കോഡ കുഷാക്കിൽ ഉപഭോക്താക്കൾക്ക് രണ്ട് എഞ്ചിനുകളുടെ ഓപ്ഷൻ ലഭിക്കും. ആദ്യത്തേതിൽ 1.0 ലിറ്റർ ടർബോ പെട്രോൾ എഞ്ചിൻ ഘടിപ്പിച്ചിരിക്കുന്നു. ഈ എഞ്ചിൻ പരമാവധി 115 ബിഎച്ച്പി പവർ ഉത്പാദിപ്പിക്കാൻ പ്രാപ്‍തമാണ്. രണ്ടാമത്തേതിൽ 1.5 ലിറ്റർ ടർബോ പെട്രോൾ എഞ്ചിനാണ് ഘടിപ്പിച്ചിരിക്കുന്നത്, അത് പരമാവധി 150 ബിഎച്ച്പി പവർ സൃഷ്ടിക്കും. രണ്ട് എഞ്ചിനുകളിലും 6-സ്പീഡ് മാനുവൽ ഗിയർബോക്‌സ് സ്റ്റാൻഡേർഡായി ലഭ്യമാണ്. ക്രാഷ് ടെസ്റ്റുകളിൽ ഗ്ലോബൽ NCAP-ൽ നിന്ന് പൂർണ്ണമായ 5-സ്റ്റാർ റേറ്റിംഗ് നേടിയ 5-സീറ്റർ കാറാണ് സ്കോഡ കുഷാക്ക്.
ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു. അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.