IPL 2023
മുംബൈ ഇന്ത്യന്‍സിനെതിരെ 62 പന്തില്‍ 124 റണ്‍സടിച്ച് വരവരറിയിച്ച് രാജസ്ഥാന്‍ യുവതാരം യശസ്വി ജയ്‌സ്വാള്‍
13.25 കോടി രൂപക്ക് ഹൈദരാബാദിലെത്തിയ ഹാരി ബ്രൂക്ക് പ്രതീക്ഷക്കൊത്ത് ഉയര്‍ന്നില്ലെങ്കിലും കൊല്‍ക്കത്തക്കെതിരെ 55 പന്തില്‍ 100 റണ്‍സടിച്ച സീസണില്‍ സെഞ്ചുറി തികച്ച ഏക വിദേശ താരമായി.
തുടക്കത്തില്‍ നിറം മങ്ങിയ കൊല്‍ക്കത്ത താരം വെങ്കിടേഷ് അയ്യര്‍ മുംബൈക്കെതിരെ നേടിയത് വെടിക്കട്ട് സെഞ്ചുറി. 104 റണ്‍സാണ് അയ്യര്‍ അടിച്ചെടുത്തത്.
മോശം ഫോമിന്‍റെ പേരില്‍ തുടക്കത്തില്‍ പഴി കേട്ടെങ്കിലും ഗുജറാത്തിനെതിരെ 49 പന്തില്‍ 103 റണ്‍സടിച്ച് സൂര്യകുമാര്‍ യാദവ് ആദ്യ ഐപിഎല്‍ സെഞ്ചുറി കുറിച്ചു.
സീസണില്‍ പല മത്സരങ്ങളിലും നല്ല തുടക്കമിട്ടെങ്കിലും അതൊന്നും വലിയ സ്കോറാക്കി മാറ്റാനാവാത്തതിന്‍റെ ക്ഷീണം പ്രഭ്‌സിമ്രാന്‍ തീര്‍ത്തത് ഡല്‍ഹിക്കെതിരെ 103 റണ്‍സടിച്ച്.
പലവട്ടം സെഞ്ചുറിക്കരികില്‍ എത്തിയ ഗില്‍ ഇന്നലെ സണ്‍റൈസേഴ്സ് ഹൈദരാബാദിനെതിരെ മൂന്നക്കം കടന്നു. 101 റണ്‍സടിച്ച ഗില്‍ തന്‍റെ ആദ്യ ഐപിഎല്‍ സെഞ്ചുറിയാണ് ഹൈദരാബാദിനെതിരെ നേടിയത്.
കൊല്‍ക്കത്തക്കെതിരെ 98 റണ്‍സുമായി പുറത്താകാതെ നിന്ന യശസ്വിയും ലഖ്നൗവിനെതിരെ 94 റണ്‍സുമായി പുറത്താകാതെ നിന്ന ഗില്ലും സീസണില്‍ രണ്ട് സെഞ്ചുറി എന്ന നേട്ടത്തിന് അടുത്തെത്തിയിരുന്നു.