Cricket
ആറ് സിക്‌സും എട്ട് ഫോറും ഉള്‍പ്പെടുന്നതായിരുന്നു സഞ്ജുവിന്റെ ഇന്നിംഗ്‌സ്. സീസണിലെ ആദ്യ സെഞ്ചുറി കൂടിയാണിത്.
ഒരു ഘട്ടത്തില്‍ തകര്‍ന്ന കേരളത്തെ രക്ഷിച്ചത് സഞ്ജു - ശ്രേയസ് ഗോപാല്‍ സഖ്യമാണ്. ഇരുവരും 138 റണ്‍സാണ് കൂട്ടിചേര്‍ത്തത്.
ഗ്രൂപ്പ് എയില്‍ ഒന്നാമതെത്തിട്ടും പ്രീ ക്വാര്‍ട്ടര്‍ ഫൈനലിലേക്കാണ് കേരളം യോഗ്യത നേടിയത്. മഹാരാഷ്ട്രയെയാണ് കേരളം നേരിടുക. ഈ മാസം ഒമ്പതിനാണ് മത്സരം.
ഗ്രൂപ്പില്‍ നേര്‍ക്കുനേര്‍ പോരില്‍ കേരളം മുംബൈയോട് പരാജയപ്പെട്ടിരുന്നു. അതുതന്നെയാണ് മുംബൈക്ക് ഗുണം ചെയ്തത്. ഗ്രൂപ്പില്‍ ഇരുവര്‍ക്കും 20 പോയിന്റ് വീതമാണുള്ളത്.
സഞ്ജു സെഞ്ചുറി നേടിയതിന് പിന്നാലെ വാഴ്ത്തുകയാണ് സോഷ്യല്‍ മീഡിയ. ദക്ഷിണാഫ്രിക്കയ്‌ക്കെതിരെ ഏകദിന പരമ്പരയ്‌ക്കൊരുങ്ങുന്ന സഞ്ജുവിന് പ്രകടനം ഏറെ ആത്മവിശ്വാസം നല്‍കും.
ദക്ഷിണാഫ്രിക്കയ്‌ക്കെതിരെ ഏകിനത്തില്‍ തകര്‍ത്താന്‍ സഞ്ജു ടി20 ടീമിലെത്താനും സാധ്യതയേറെ. ഐപിഎല്‍ മുന്നില്‍ നില്‍ക്കെ മികച്ച പ്രകടനമാണ് ആരാധകര്‍ പ്രതീക്ഷിക്കുന്നത്.