☰
മാരുതി സുസുക്കി ഹൈബ്രിഡ് വാഹന ശ്രേണി വികസിപ്പിക്കുന്നു. ഫ്രോങ്ക്സ്, ബലേനോ, സ്വിഫ്റ്റ്, ബ്രെസ്സ തുടങ്ങിയ ജനപ്രിയ മോഡലുകൾ ഹൈബ്രിഡ് സാങ്കേതികവിദ്യയിലേക്ക് മാറുന്നു.
രാജ്യത്തെ ജനപ്രിയ വാഹന ബ്രാൻഡായ മാരുതി സുസുക്കി നിരയിൽ ഗ്രാൻഡ് വിറ്റാര, ഇൻവിക്ടോ ഉൾപ്പെടെ നിലവിൽ രണ്ട് ശക്തമായ ഹൈബ്രിഡ് വാഹനങ്ങൾ നിലവിൽ ഉണ്ട്. കമ്പനി ഈ ദശാബ്‍ദത്തിന്റെ അവസാനത്തോടെ തങ്ങളുടെ ഹൈബ്രിഡ് ശ്രേണി വികസിപ്പിക്കാൻ പദ്ധതിയിടുന്നു. ഫ്രോങ്ക്സ്, ബലേനോ, സ്വിഫ്റ്റ്, ബ്രെസ്സ, പുതിയ ചെറിയ എംപിവി എന്നിവയുൾപ്പെടെയുള്ള ബഹുജന വിപണി വാഹനങ്ങൾക്കായി കമ്പനി ഒരു ശക്തമായ ഹൈബ്രിഡ് പവർട്രെയിൻ വികസിപ്പിച്ചെടുക്കുന്നു. 2025 ന്റെ രണ്ടാം പകുതിയിൽ എത്തുമെന്ന് പ്രതീക്ഷിക്കുന്ന ഗ്രാൻഡ് വിറ്റാരയെ അടിസ്ഥാനമാക്കിയുള്ള ഒരു പ്രീമിയം മൂന്ന്-വരി എസ്‌യുവിയും പദ്ധതിയിൽ ഉൾപ്പെടുത്തിയിട്ടുണ്ട്. ആദ്യം വരാനിരിക്കുന്ന മാരുതി ശക്തമായ ഹൈബ്രിഡ് കാറുകളും അവയുടെ പ്രതീക്ഷിക്കുന്ന ലോഞ്ച് സമയവും പരിശോധിക്കാം.
ആദ്യം എത്തുന്ന മോഡലായ 7 സീറ്റർ മാരുതി ഗ്രാൻഡ് വിറ്റാര , അതിന്റെ 5 സീറ്റർ പതിപ്പുമായി പ്ലാറ്റ്‌ഫോം, പവർട്രെയിനുകൾ, ഡിസൈൻ, ഇന്റീരിയർ എന്നിവ പങ്കിടും. അതായത്, 1.5 ലിറ്റർ K15C പെട്രോൾ മൈൽഡ് ഹൈബ്രിഡ്, 1.5 ലിറ്റർ ആറ്റ്കിൻസൺ സൈക്കിൾ പെട്രോൾ ഓപ്ഷനുകളുമായി ഇത് വരും.
അതേസമയം മാരുതി സുസുക്കിയുടെ സ്വന്തം ശക്തമായ ഹൈബ്രിഡ് സാങ്കേതികവിദ്യ അവതരിപ്പിക്കുന്ന ആദ്യ മോഡലായിരിക്കും മാരുതി ഫ്രോങ്ക്സ് . സ്വിഫ്റ്റിൽ നിന്ന് കടമെടുത്ത Z-സീരീസ് പെട്രോൾ എഞ്ചിനിൽ മാത്രമേ ഇത് വാഗ്ദാനം ചെയ്യൂ. വരാനിരിക്കുന്ന ബലേനോ, സ്വിഫ്റ്റ് , ബ്രെസ്സ ഹൈബ്രിഡ് മോഡലുകളിലും ഇതേ എഞ്ചിൻ വാഗ്ദാനം ചെയ്യാൻ സാധ്യതയുണ്ട്. വരാനിരിക്കുന്ന മാരുതി സ്ട്രോങ് ഹൈബ്രിഡ് കാറുകൾ ഉയർന്ന ഇന്ധനക്ഷമതയുള്ളതായിരിക്കും. ഈ വാഹനങ്ങൾ ലിറ്ററിന് 35kmpl മുതൽ 40 കിമി വരെ മൈലേജ് വാഗ്ദാനം ചെയ്യുമെന്ന് പ്രതീക്ഷിക്കുന്നു. മാരുതി ഒരു സീരീസ് ഹൈബ്രിഡ് സിസ്റ്റം വികസിപ്പിച്ചുകൊണ്ടിരിക്കുകയാണ്. ഇത് സീരീസ്-പാരലൽ സാങ്കേതികവിദ്യയേക്കാൾ ഗണ്യമായി ചെലവ് കുറഞ്ഞതായിരിക്കും. വാസ്തവത്തിൽ, ഇതിന് കുറഞ്ഞ പരിപാലനച്ചെലവും എമിഷൻ ലെവലും ഉണ്ടായിരിക്കും.
2026 ൽ ജപ്പാൻ-സ്പെക്ക് സ്പേഷ്യ അധിഷ്ഠിത മിനി എംപിവി അവതരിപ്പിക്കാൻ പദ്ധതിയിടുന്നു . വൈഡിബി എന്ന കോഡ് നാമത്തിൽ അറിയപ്പെടുന്ന ഈ കോംപാക്റ്റ് എംപിവി എർട്ടിഗയ്ക്ക് താഴെയായിട്ടായിരിക്കും സ്ഥാനം പിടിക്കുക. കൂടാതെ റെനോ ട്രൈബറിനോടും നിസാന്റെ വരാനിരിക്കുന്ന ട്രൈബർ അധിഷ്ഠിത എംപിവിയോടും മത്സരിക്കും. മാരുതി സുസുക്കിയുടെ ഏറ്റവും കൂടുതൽ വിറ്റഴിക്കപ്പെടുന്ന ബ്രെസ സബ്‌കോംപാക്റ്റ് എസ്‌യുവി 2029 ൽ അതിന്റെ അടുത്ത തലമുറ മോഡലിനൊപ്പം ഹൈബ്രിഡ് ആകും.
അതേസമയം മാരുതി സുസുക്കിയിൽ നിന്നുള്ള മറ്റുവാർത്തകളിൽ ഹരിയാനയിലെ ഖാർഖോഡയിൽ പ്രതിവർഷം 2.5 ലക്ഷം വാഹനങ്ങൾ വരെ ഉത്പാദിപ്പിക്കാൻ ശേഷിയുള്ള മൂന്നാമത്തെ പ്ലാന്റ് സ്ഥാപിക്കുന്നതിനായി 7,410 കോടി രൂപയുടെ നിക്ഷേപത്തിന് ബോർഡ് അംഗീകാരം നൽകി. ആഭ്യന്തര വിപണിയിലെയും കയറ്റുമതിയിലെയും ആവശ്യകത നിറവേറ്റുന്നതിനായാണ് കമ്പനി ഈ പുതിയ പ്ലാന്റ് സ്ഥാപിക്കുന്നത്. ഹരിയാനയിലെ ഖാർഖോഡയിൽ ആരംഭിക്കുന്ന മാരുതി സുസുക്കിയുടെ മൂന്നാമത്തെ പ്ലാന്റാണിത്. ഇതിനായി കമ്പനി 7,410 കോടി രൂപ നിക്ഷേപിക്കാൻ പദ്ധതിയിട്ടിട്ടുണ്ട്. ഈ പ്ലാന്റിന്റെ ഉൽപ്പാദന ശേഷി പ്രതിവർഷം 2.5 ലക്ഷം ആയിരിക്കുമെന്നാണ് റിപ്പോർട്ടുകൾ. ഈ അധിക പ്ലാന്റ് കൂടി വരുന്നതോടെ, ഖാർഖോഡ പ്ലാന്റിലെ മാരുതി സുസുക്കിയുടെ മൊത്തം ഉൽപ്പാദന ശേഷി പൂർണ്ണമായും പ്രവർത്തനക്ഷമമാകുന്നതോടെ പ്രതിവർഷം 7.5 ലക്ഷം യൂണിറ്റിലെത്തുമെന്ന് പ്രതീക്ഷിക്കുന്നു. 2029 ഓടെ പുതിയ പ്ലാന്റ് പൂർത്തിയാക്കാനാണ് കമ്പനി പദ്ധതിയിടുന്നത്.
