Health
മുട്ട കഴിച്ചാൽ കൊളസ്ട്രോൾ കൂടുമോ?
കൊളസ്ട്രോൾ കൂടുമെന്ന് പേടിച്ച് പലരും മുട്ട ഒഴിവാക്കാറുണ്ട്. വാസ്തവത്തിൽ മുട്ട കഴിച്ചാൽ കൊളസ്ട്രോൾ കൂടുമോ?
ഹൃദയാരോഗ്യത്തിന് നിരവധി ഗുണങ്ങൾ നൽകുന്ന പോഷക സമ്പുഷ്ടമായ ഭക്ഷണമാണ് മുട്ട.
തലച്ചോറിൻ്റെ പ്രവർത്തനത്തെ സഹായിക്കുന്ന കോളിൻ ഉൾപ്പെടെയുള്ള പ്രോട്ടീൻ, വിറ്റാമിനുകൾ, ധാതുക്കൾ എന്നിവ അവയിൽ ധാരാളം അടങ്ങിയിട്ടുണ്ട്.
ദിവസവും മുട്ട കഴിക്കുന്നവരിൽ (പ്രതിദിനം ഒരു മുട്ട) ഹൃദ്രോഗവും പക്ഷാഘാതവും ഉണ്ടാകാനുള്ള സാധ്യത വളരെ കുറവാണെന്ന് ജേണൽ ഓഫ് ഹാർട്ട് പ്രസിദ്ധീകരിച്ച പഠനത്തിൽ കണ്ടെത്തി.
മുട്ടയിലെ ആൻ്റിഓക്‌സിഡൻ്റുകളായ ല്യൂട്ടിൻ, സിയാക്സാന്തിൻ എന്നിവയും കണ്ണിൻ്റെ ആരോഗ്യത്തെ സഹായിക്കുന്നു.
എന്നിരുന്നാലും, മഞ്ഞക്കരുവിലെ കൊളസ്ട്രോളിൻ്റെ അംശം കാരണം, മുട്ട കഴിക്കുന്നത് ഉയർന്ന കൊളസ്‌ട്രോളിന് കാരണമാകുമെന്ന് ചിലർ ആശങ്കപ്പെടുന്നു.
മുട്ടയുടെ മഞ്ഞക്കരുവിൽ കൊളസ്ട്രോൾ അടങ്ങിയിട്ടുണ്ട്. ഒരു വലിയ മുട്ടയിൽ ഏകദേശം 186 മില്ലിഗ്രാം കൊളസ്ട്രോൾ ഉണ്ട്.
ഉയർന്ന അളവിലുള്ള എൽഡിഎൽ കൊളസ്ട്രോൾ ഹൃദയ സംബന്ധമായ രോഗങ്ങൾക്കുള്ള സാധ്യത വർദ്ധിപ്പിക്കുന്നു.
മുട്ട പതിവായി കഴിക്കുന്നത് ഹൃദയ സംബന്ധമായ അസുഖങ്ങൾ വരാനുള്ള സാധ്യത 6 ശതമാനം കൂടുതലാണെന്നും ചിക്കാഗോയിലെ നോർത്ത് വെസ്റ്റേൺ യൂണിവേഴ്‌സിറ്റി നടത്തിയ പഠനത്തിൽ പറയുന്നു.
ദിവസവും ഒരു മുട്ട കഴിക്കുന്നത് സുരക്ഷിതമാണെന്ന് ഗവേഷകർ പറയുന്നു.
വെണ്ണ, ചീസ്, പേസ്ട്രി തുടങ്ങിയ ഭക്ഷണങ്ങളിൽ നിന്നുള്ള പൂരിത കൊഴുപ്പുകൾ മുട്ട കഴിക്കുന്നതിനേക്കാൾ രക്തത്തിലെ കൊളസ്ട്രോളിൻ്റെ അളവ് വർദ്ധിപ്പിക്കും.