ചർമ്മ പ്രശ്നങ്ങൾ

പഞ്ചസാര അധികമായാൽ ഈ ചർമ്മ പ്രശ്നങ്ങൾ ഉണ്ടാകാം. 

പഞ്ചസാരയുടെ അമിത ഉപയോഗം ശരീരഭാരം വർദ്ധിക്കുക, ഉയർന്ന രക്തസമ്മർദ്ദം, പ്രമേഹം എന്നിവയ്ക്ക് മാത്രമല്ല വിവിധ ചർമ്മ പ്രശ്നങ്ങൾക്കും കാരണമാകുന്നു.
 

പഞ്ചസാര അമിതമായി കഴിക്കുന്നത് അകാല വാർദ്ധക്യത്തിന് കാരണമാകുമെന്ന് വിദ​ഗ്ധർ പറയുന്നു.

പഞ്ചസാരയിലെ രാസവസ്തുക്കൾ ചർമ്മത്തിലെ കൊളാജൻ ഉത്പാദനത്തെ തടസ്സപ്പെടുത്തും. ഇത് ചർമ്മത്തിൽ ചുളിവും വരകളും ഉണ്ടാക്കാൻ ഇടയാക്കും.

ഉയർന്ന പഞ്ചസാര കഴിക്കുന്നത് ഇൻസുലിൻ അളവിൽ വർദ്ധനവുണ്ടാക്കുന്നു, ഇത് ചർമ്മത്തിൽ എണ്ണയുടെ ഉത്പാദനം വർദ്ധിപ്പിക്കും. തുടർന്ന് മുഖക്കുരുവിന് ഇടയാക്കും.
 

അമിത പഞ്ചസാരയുടെ ഉപഭോഗം ചർമ്മത്തിലെ കോശങ്ങളിലെ രക്തയോട്ടത്തെയും ഓക്‌സിജൻ വിതരണത്തെയും ബാധിക്കും. ഇത് ചർമ്മത്തിന്റെ വരൾച്ചയ്ക്കും നീർജ്ജലീകരണത്തിനും കാരണമാകും. 

പഞ്ചസാര അമിതമായി കഴിക്കുന്നത് ചർമ്മത്തെ വരണ്ടതാക്കുകയും പോഷകക്കുറവിനും ഇടയാക്കും.

പഞ്ചസാരയുടെ അമിത ഉപയോ​ഗം സോറിയാസിസിന് കാരണമാകും. ഇത് ചർമ്മത്തിൽ ചുവപ്പ്, ചർമ്മം അടരുക എന്നിവയിലേക്ക് നയിക്കും.