ഇന്ത്യ: ഇന്നത്തെ പ്രധാന സംഭവവികാസങ്ങൾ

സൈനിക കരാറുകളുമായി ബന്ധപ്പെട്ട അഴിമതിക്കേസിൽ കൊൽക്കത്ത ആസ്ഥാനമായുള്ള കരസേനാ കേണൽ ഹിമാൻഷു ബാലിനെ സി.ബി.ഐ അറസ്റ്റ് ചെയ്തു. ഒരു സ്വകാര്യ കമ്പനിക്ക് ടെൻഡർ നൽകുന്നതിനായി 50 ലക്ഷം രൂപ കൈക്കൂലി ആവശ്യപ്പെട്ടുവെന്നാണ് കേസ്. ഹവാല ഇടപാടിലൂടെ പണം കൈമാറാൻ ശ്രമിക്കുന്നതിനിടെയാണ് അറസ്റ്റ് നടന്നത്.

ഹിമാചൽ പ്രദേശിലെ പഞ്ചായത്തീരാജ് തിരഞ്ഞെടുപ്പിൽ 10,854 സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടു. ഇതിൽ 131 ഗ്രാമപഞ്ചായത്തുകളിൽ മുഴുവൻ ഭരണസമിതിയും എതിരില്ലാതെ തിരഞ്ഞെടുക്കപ്പെട്ടതിനാൽ അവിടങ്ങളിലെ വോട്ടെടുപ്പ് റദ്ദാക്കി. ജില്ലാ പരിഷത്ത്, പഞ്ചായത്ത് സമിതി അംഗങ്ങൾ, പ്രസിഡന്റുമാർ, വൈസ് പ്രസിഡന്റുമാർ, വാർഡ് അംഗങ്ങൾ എന്നിവർ വിജയിച്ചവരിൽ ഉൾപ്പെടുന്നു.

പിണറായിയുടെ പ്രവർത്തന ശൈലി മാറണമെന്നും മുഖ്യമന്ത്രിയായ അതേ ശൈലി പ്രതിപക്ഷ നേതാവ് ആകുമ്പോൾ ഉണ്ടാവരുതെന്നും കോട്ടയം ജില്ലാ കമ്മിറ്റിയിൽ വിമര്‍ശനം ഉയര്‍ന്നു. പാർട്ടി സെക്രട്ടറി അടക്കം സിപിഎം നേതാക്കൾ ജനങ്ങളിൽ നിന്ന് അകലുന്നു എന്നും വിമർശനം. കേരള കോൺഗ്രസിനെതിരെയും ജില്ലാ കമ്മിറ്റിയിൽ രൂക്ഷ വിമർശനമുണ്ടായി.

വിജയ്‍യും ഭിന്നശേഷിക്കാരുടെ സംഘടന പ്രതിനിധികളും തമ്മിലുള്ള കൂടിക്കാഴ്ചയുടെ വീഡിയോ ആണ് പുറത്തുവന്നത്. സംഘടന പ്രസിഡന്റ് ഡോ. പി. സിമ്മചന്ദ്രൻ ആണ് വീഡിയോ ചിത്രീകരിച്ചത്.

ബംഗ്ലാദേശിലെ ചിറ്റഗോങ്ങിലുള്ള ഇന്ത്യൻ അസിസ്റ്റന്റ് ഹൈക്കമ്മീഷനിലെ ഉദ്യോഗസ്ഥൻ നരേൻ ധറിനെ മരിച്ച നിലയിൽ കണ്ടെത്തി. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു, മരണകാരണം പോസ്റ്റ്‌മോർട്ടത്തിന് ശേഷമേ വ്യക്തമാകൂ.

മഹാരാഷ്ട്രയിലെ പൂനെയിൽ ലിഫ്റ്റിൽ കുടുങ്ങിയ ഏഴുവയസ്സുകാരൻ മരിച്ചു. ഒന്നര മണിക്കൂറോളം ലിഫ്റ്റിൽ കുടുങ്ങിയ ശിവാൻഷ് ശൈലേജ് ദത്ത് ആണ് മരിച്ചത്. പൂനെയിൽ പാർപ്പിട സമുച്ചയത്തിലാണ് അപകടം ഉണ്ടായത്. 

നോർവേ സന്ദർശനത്തിനിടെ ഇന്ത്യൻ എംബസി വിളിച്ചുചേർത്ത വാർത്താസമ്മേളനത്തിലാണ് ഇന്ത്യയിലെ മാധ്യമ സ്വാതന്ത്ര്യത്തെയും മനുഷ്യാവകാശത്തെയും നോർവീജിയൻ മാധ്യമപ്രവർത്തകയാണ് ഹെല്ലെ ലങ് ചോദ്യം ചെയ്തത്

ടിവികെ സ‍ർക്കാരിന് മുന്നറിയിപ്പുമായി സിപിഎം രം​ഗത്ത്. അണ്ണാ ഡിഎംകെയുടെ വിമത എംഎൽഎമാരെ മന്ത്രിസഭയിൽ ഉൾപ്പെടുത്തിയാൽ പിന്തുണയിൽ പുന‍ർവിചിന്തനം നടത്തുമെന്ന് സിപിഎം. പാർട്ടി സംസ്ഥാന സെക്രട്ടറി പി ഷൺമുഖത്തിൻ്റേതാണ് മുന്നറിയിപ്പ്. 

ബിജെപി നേതാവിൻ്റെ വധഭീഷണിയിൽ പ്രതികരണവുമായി തൃണമൂൽ കോൺഗ്രസ് എംപി സായോണി ഘോഷ്. ഇതാണോ നാരീശക്തി വന്ദനെന്ന് എക്സിൽ പങ്കുവെച്ച പോസ്റ്റിൽ സയോണി ഘോഷ് പ്രധാനമന്ത്രി നരേന്ദ്ര മോദിയെയും കേന്ദ്ര ആഭ്യന്തര മന്ത്രി അമിത് ഷായെയും ബിജെപി ദേശീയ അധ്യക്ഷൻ നിതിൻ നബീനെയും ടാഗ് ചെയ്ത് ചോദിച്ചു. 

ഉത്തർ പ്രദേശിൽ പീഡനക്കേസ് പ്രതിക്ക് വൻ സ്വീകരണമൊരുക്കി അനുയായികൾ. ജാമ്യം കിട്ടിയ ശേഷം ജയിൽമോചിതനായ പ്രതിക്കാണ് വൻ സ്വീകരണം ഒരുക്കിയത്. പ്രതിയെ പൂമാലയിട്ട് സ്വീകരിച്ച്, ചുമലിലിരുത്തി, മുദ്രാവാക്യം വിളികളോടെ പ്രകടനം നടത്തുന്ന ദൃശ്യങ്ങൾ വൈറൽ.