'ആർത്തവ വേദന സമയത്ത് മൂക്കിൽ നിന്ന് രക്തം വരാറുണ്ടായിരുന്നു'; ജാൻവി കപൂർ
അടുത്തിടെ ഒരു അഭിമുഖത്തിലൂടെയാണ് ജാൻവി ആർത്തവ സമയത്ത് താൻ അനുഭവിക്കുന്ന ബുദ്ധിമുട്ടുകളെ കുറിച്ച് പറഞ്ഞത്.
Followആർത്തവ വേദനയുടെ വെല്ലുവിളികളെക്കുറിച്ചും അത് ശാരീരികമായും വൈകാരികമായും എങ്ങനെ ബാധിച്ചുവെന്നും തുറന്നുപറയുകയാണ് ബോളിവുഡ് നടി ജാൻവി കപൂർ. അടുത്തിടെ ഒരു അഭിമുഖത്തിലൂടെയാണ് ജാൻവി ആർത്തവ സമയത്ത് താൻ അനുഭവിക്കുന്ന ബുദ്ധിമുട്ടുകളെ കുറിച്ച് പറഞ്ഞത്.
തിരക്കേറിയ ഷെഡ്യൂളുകൾക്കിടയിൽ തനിക്ക് കാര്യമായൊന്നും തോന്നുന്നില്ലെങ്കിലും വീട്ടിലായിരിക്കുമ്പോൾ ആ ദിനങ്ങളില്‍ തനിക്ക് തളർവാത വേദന അനുഭവപ്പെടാറുണ്ടെന്നാണ് ജാൻവി പറയുന്നത്. ആർത്തവ വേദനയ്ക്കിടെ മൂക്കിൽ നിന്ന് രക്തം വരുന്ന ഘട്ടവുമുണ്ടായിട്ടുണ്ടെന്നും ജാൻവി പറഞ്ഞു. അതുപോലെ തനിക്ക് ആര്‍ത്തവം ഉണ്ടാകുന്ന എല്ലാ മാസവും ബോയ് ഫ്രണ്ടുമായി എപ്പോഴും വഴക്കുണ്ടാക്കാറുണ്ടെന്നും, അതിന് ശേഷം വീണ്ടും ഇരുവരും ഒരുമിക്കുമെന്നും ജാൻവി കൂട്ടിച്ചേർത്തു.
ആർത്തവ വേദന സമയത്ത് മൂക്കിൽ നിന്ന് രക്തസ്രാവം ഉണ്ടാകുന്നത് കാറ്റമേനിയൽ എപ്പിസ്റ്റാക്സിസ് എന്നും അറിയപ്പെടുന്നു, ഇത് വളരെ അസാധാരണവും എന്നാൽ ശ്രദ്ധേയവുമായ ഒരു പ്രതിഭാസമാണ്, ഇത് ചില സ്ത്രീകളിൽ ഉണ്ടാകാം. ഈ സംഭവം ആശങ്കാജനകവും അസ്വാസ്ഥ്യകരവുമാണ്, എന്നാൽ അടിസ്ഥാന കാരണങ്ങളും സംവിധാനങ്ങളും മനസ്സിലാക്കുന്നത് ഈ അവസ്ഥയെ നിർവീര്യമാക്കാൻ സഹായിക്കുമെന്നാണ് പൂനെയിലെ ക്ലൗഡ്‌നൈൻ ഗ്രൂപ്പ് ഓഫ് ഹോസ്പിറ്റൽസിലെ ഒബ്‌സ്റ്റട്രിക്‌സ് ആൻഡ് ഗൈനക്കോളജി വിഭാഗം ഡയറക്ടർ ഡോ. മധു ജുനേജ പറയുന്നത്.
പിരീഡ് പെയിൻ സമയത്ത് മൂക്കിൽ നിന്ന് രക്തസ്രാവമുണ്ടാകാൻ കാരണമാകുന്ന ഘടകങ്ങളെ കുറിച്ചും ഡോക്ടർ കൂടുതൽ വിശദീകരിച്ചു. ഹോർമോൺ വ്യതിയാനങ്ങൾ, രക്തം കട്ടപിടിക്കുന്നതിനുള്ള സംവിധാനങ്ങൾ, വർദ്ധിച്ച രക്തപ്രവാഹം, മൂക്കിലെ അലർജി, സ്ട്രെസ് തുടങ്ങിയ പല കാരണങ്ങള്‍ കൊണ്ടും ഇങ്ങനെയുണ്ടാകാമത്രേ.
