സ്ത്രീകളിൽ കണ്ടുവരുന്ന വിഷാദം; അറിഞ്ഞിരിക്കേണ്ടതെല്ലാം 

ജീവിതത്തിൽ പലതരം പ്രതിസന്ധികൾ ഉണ്ടാവാം. പ്രതിസന്ധികളിൽ വിഷമം ഉണ്ടാകുന്നത് സാധാരണമാണ്. എന്നാൽ വിഷാദം(depression) എന്നത് മറ്റൊന്നാണ്. നമ്മുടെ മാനസികാവസ്ഥയിൽ വരുന്ന വ്യാത്യാസങ്ങളാണ് (mood disorder) ആണ് വിഷാദം .ഒരു വ്യക്തിയുടെ ചിന്താഗതി, പ്രവർത്തികൾ, അനുഭവങ്ങൾ തുടങ്ങിയവയെ എല്ലാം വിഷാദം ബാധിക്കാറുണ്ട് . സ്ത്രീകളിൽ ഉണ്ടാകുന്ന വിഷാദവും അവയെ തരണം ചെയ്യേണ്ടത് എങ്ങനെയെന്നും അറിയാം.

വിഷാദം ഒരു രോഗാവസ്ഥയാണ് 

വിഷാദം സാധാരണമാണെങ്കിലും വളരെ ഗൗരവമുള്ള രോഗാവസ്ഥയാണ്. ജനിതക, ജൈവ, പാരിസ്ഥിക, മാനസിക ഘടനകളിൽ വരുന്ന വ്യത്യാസങ്ങൾ കൊണ്ടാണ് വിഷാദം  ഉണ്ടാകുന്നത്. എല്ലാ മനുഷ്യരിലും വിഷാദം ഉണ്ടാകാറുണ്ട്. എന്നാൽ സ്ത്രീകളിൽ സാധാരണമായി കണ്ടു വരുന്ന രോഗാവസ്ഥയാണ് ഇത്. 

വിഷാദ രോഗത്തിന്റെ ലക്ഷണങ്ങൾ 

വിഷാദരോഗത്തിന്റെ ഒരു ഭാഗം മാത്രമാണ് ദുഃഖം. മറ്റ് ലക്ഷണങ്ങൾ ഇവയാണ്. 

1. ഉത്കണ്ഠ അല്ലെങ്കിൽ മുൻ കോപം 
2. നിരാശ, വിലയില്ലായ്മ, അല്ലെങ്കിൽ നിസ്സഹായത അനുഭവപ്പെടുക  
3. പണ്ട് ഇഷ്ടത്തോടെ ചെയ്തിരുന്ന കാര്യങ്ങളിൽ താൽപ്പര്യമോ ആനന്ദമോ നഷ്ടപ്പെടൽ
4. ക്ഷീണം, ഊർജ്ജക്കുറവ്, അല്ലെങ്കിൽ മന്ദത അനുഭവപ്പെടൽ
5. ശ്രദ്ധ കേന്ദ്രീകരിക്കുന്നതിനോ ഓർമ്മിക്കുന്നതിനോ തീരുമാനങ്ങൾ എടുക്കുന്നതിനോ ഉള്ള ബുദ്ധിമുട്ട്
6. ഉറക്കത്തിലോ വിശപ്പിലോ ഉണ്ടാകുന്ന മാറ്റങ്ങൾ
7. വ്യക്തമായ ശാരീരിക കാരണങ്ങളില്ലാത്ത ശാരീരിക വേദനകൾ അനുഭവപ്പെടുക 
8. മരണത്തെക്കുറിച്ചുള്ള ചിന്തകൾ, ആത്മഹത്യ അല്ലെങ്കിൽ ആത്മഹത്യാ ശ്രമങ്ങൾ 

ഇത്തരം ലക്ഷണങ്ങൾ നിങ്ങളുടെ ജോലിയെയും പഠനത്തിനെയും ഉറക്കത്തെയുമൊക്കെ ബാധിക്കും. ഈ ലക്ഷണങ്ങൾ നിങ്ങളിൽ നിരന്തരമായി കാണുകയാണെങ്കിൽ ഡോക്ടറെ സമീപിക്കേണ്ടതാണ്. എല്ലാ സ്ത്രീകളിലും ഒരുപോലെ ആയിരിക്കില്ല ലക്ഷണങ്ങൾ പ്രകടമാകുന്നത്. ചിലരിൽ അധികമായും മറ്റ് ചിലരിൽ വളരെ ചെറിയ രീതിയിലുള്ള ലക്ഷണങ്ങളും ആയിരിക്കും കാണുന്നത്.  

സ്ത്രീകളിൽ മാത്രം കണ്ടു വരുന്ന വിഷാദ രോഗങ്ങൾ  

ഒരു സ്ത്രീയുടെ ജീവിതത്തിലെ ചില പ്രത്യേക ഘട്ടങ്ങളിലാണ് ചിലതരം വിഷാദരോഗങ്ങൾ ഉണ്ടാകുന്നത്. ഗർഭധാരണം, പ്രസവാനന്തര കാലയളവ്, ആർത്തവചക്രം, പെരിമെനോപോസ് എന്നിവ ശാരീരികവും ഹോർമോൺ വ്യതിയാനങ്ങളുമായി ബന്ധപ്പെട്ടിരിക്കുന്നു. ഇത് ചില സ്ത്രീകളിൽ വിഷാദരോഗത്തിന് കാരണമാകും.

1. ആർത്തവത്തിന് മുമ്പുള്ള ആഴ്ചകളിൽ സംഭവിക്കുന്ന പ്രീമെൻസ്ട്രൽ സിൻഡ്രോമിന്റെ അഥവാ പിഎംഎസിന്റെ കൂടുതൽ തീവ്രമായ ഒരു രൂപമാണ് പ്രീമെൻസ്ട്രൽ ഡിസ്ഫോറിക് ഡിസോർഡർ . വിഷാദരോഗം, കോപം, ആത്മഹത്യാ ചിന്തകൾ, വിശപ്പിലെ മാറ്റങ്ങൾ, വയറു വീർക്കൽ, സ്തനങ്ങളുടെ മൃദുത്വം, പേശി വേദന തുടങ്ങിയ ഗൗരവമുള്ള  ലക്ഷണങ്ങളാണ്.

2. ഗർഭകാലത്തോ പ്രസവത്തിനു ശേഷമോ പ്രസവാനന്തര വിഷാദം ഉണ്ടാകാറുണ്ട്. പ്രസവശേഷം പല പുതിയ അമ്മമാരും അനുഭവിക്കുന്ന "ബേബി ബ്ലൂസ്" എന്നതിനേക്കാൾ അമിതമായി വിഷാദം വരാറുണ്ട്. പ്രസവാനന്തര വിഷാദമുള്ള സ്ത്രീകൾക്ക് അമിതമായ ദുഃഖം, ഉത്കണ്ഠ, ക്ഷീണം എന്നിവ അനുഭവപ്പെടുന്നു. ഇത് സ്വയം പരിപാലിക്കുന്നതിനോ മറ്റുള്ളവരെ പരിപാലിക്കുന്നതിനോ ഉൾപ്പെടെയുള്ള ദൈനംദിന ജോലികൾ ചെയ്യുന്നത് ബുദ്ധിമുട്ടുണ്ടാക്കാം.

3. ആർത്തവവിരാമത്തിലേക്കുള്ള സമയത്ത് ചില സ്ത്രീകളെ പെരിമെനോപോസൽ വിഷാദം ബാധിക്കാറുണ്ട് . അസാധാരണമായ ആർത്തവം, ഉറക്ക പ്രശ്നങ്ങൾ, മാനസികാവസ്ഥയിലെ മാറ്റങ്ങൾ എന്നിവ ആർത്തവവിരാമ സമയത്ത് സാധാരണമാണ്. എന്നാൽ ഈ സമയത്ത് ദേഷ്യം, ഉത്കണ്ഠ, സങ്കടം അല്ലെങ്കിൽ ആസ്വാദന നഷ്ടം തുടങ്ങിയ തീവ്രമായ വികാരങ്ങൾ ഉണ്ടാകുന്നത് വിഷാദരോഗത്തിന്റെ ലക്ഷണങ്ങളായിരിക്കാം.

ചികിത്സ 

ഏറ്റവും കഠിനമായ വിഷാദരോഗം പോലും ചികിത്സിക്കാൻ കഴിയും. സാധാരണ ചികിത്സകളിൽ ആന്റീഡിപ്രസന്റ് മരുന്നുകൾ, ടോക്ക് തെറാപ്പി (വെർച്വൽ അല്ലെങ്കിൽ നേരിട്ടുള്ള) അല്ലെങ്കിൽ മരുന്നുകൾക്കൊപ്പം തെറാപ്പിയും നൽകുന്ന ചികിത്സകളുണ്ട്. എല്ലാവർക്കും ഒരുപോലെ അനുയോജ്യമായ ചികിത്സ എന്നൊന്നില്ല. നിങ്ങൾക്ക് ഏറ്റവും അനുയോജ്യമായത് കണ്ടെത്താൻ ചിലപ്പോൾ പരീക്ഷണങ്ങൾ വേണ്ടിവന്നേക്കാം. ഒരു ഡോക്ടറിന് നിങ്ങളുടെ രോഗ ലക്ഷണങ്ങളെ മനസിലാക്കി മികച്ച ചികിത്സ രീതികളിലൂടെ നിങ്ങളുടെ രോഗം ഭേദമാക്കാൻ സഹായിക്കും.   

Happy Propose Day 2025 : ഹാപ്പി പ്രൊപ്പോസ് ഡേ ! പ്രിയപ്പെട്ടവർക്ക് അയക്കാം ഈ സ്നേഹ സന്ദേശങ്ങൾ