പ്രായമൊക്കെ വെറും നമ്പറല്ലേ; 71-ാം വയസില്‍ സൗന്ദര്യമത്സരത്തില്‍ പങ്കെടുത്ത് മരീസ
മിസ്സ് ടെക്‌സാസ് യു.എസ്.എ സൗന്ദര്യമത്സരത്തിലാണ് മരീസ പങ്കെടുത്തത്. 75 പേര്‍ മത്സരിച്ച സൗന്ദര്യ മത്സരത്തിലാണ് ഈ 71-കാരിയും ഭാഗമായത്.
പ്രായം ഒന്നിനും ഒരു തടസമല്ലെന്നും പ്രായം വെറും നമ്പർ മാത്രമാണെന്നും ഓർമിപ്പിച്ചുകൊണ്ട് അമേരിക്കയിലെ സൗന്ദര്യമത്സരത്തിൽ പങ്കെടുത്ത് എഴുപത്തിയൊന്നുകാരിയായ മരീസ തേജോ. മിസ്സ് ടെക്‌സാസ് യു.എസ്.എ സൗന്ദര്യമത്സരത്തിലാണ് മരീസ പങ്കെടുത്തത്. 75 പേര്‍ മത്സരിച്ച സൗന്ദര്യ മത്സരത്തിലാണ് ഈ 71- കാരിയും ഭാഗമായത്.
മിസ്സ് ടെക്‌സാസ് മത്സരത്തില്‍ പങ്കെടുക്കുന്ന ഏറ്റവും പ്രായം കൂടിയ വനിത എന്ന നേട്ടവും മരീസയ്ക്ക് ലഭിച്ചു. സൗന്ദര്യമത്സരത്തില്‍ പങ്കെടുക്കാനുള്ള പ്രായപരിധി എടുത്തുകളഞ്ഞ പുതിയ നിയമമാണ് മരീസയ്ക്ക് ഇങ്ങനെയൊരു അവസരം ലഭിച്ചത്.
ജൂണ്‍ 22-ന് നടന്ന ചടങ്ങില്‍ വിജയിയായത് അരിയാന വേർ എന്ന യുവതിയാണ്. എന്നാല്‍ മത്സരത്തില്‍ വിജയിച്ചില്ലെങ്കിലും തനിക്ക് ഇങ്ങനെയൊരു വേദി കിട്ടിയതില്‍ സന്തോഷമുണ്ടെന്ന് മരീസ പറയുന്നു. എല്ലാ സ്ത്രീകളും തങ്ങളുടെ ശാരീരിക- മാനസിക ആരോഗ്യകാര്യത്തില്‍ ശ്രദ്ധ നല്‍കണമെന്ന സന്ദേശം നൽകാനാണ് താന്‍ ആഗ്രഹിക്കുന്നതെന്നും മരീസ കൂട്ടിച്ചേര്‍ത്തു.
Also read: തലമുടി വളരാന്‍ കഴിക്കാം ബയോട്ടിൻ അടങ്ങിയ ഈ ഭക്ഷണങ്ങള്‍
