QR Code Scan | ഫോണിലോ, ടാബിലോ ഒരു ക്യുആര്‍ കോഡ് എങ്ങനെ സ്‌കാന്‍ ചെയ്യാം
ക്യുആര്‍ കോഡുകള്‍ കൂടുതല്‍ സ്റ്റാന്‍ഡേര്‍ഡ് ആകുമ്പോള്‍, കൂടുതല്‍ ഉപകരണങ്ങള്‍ അവയെ സ്‌കാന്‍ ചെയ്യാന്‍ രൂപകല്‍പ്പന ചെയ്തിരിക്കുന്നു. അതില്‍ സ്മാര്‍ട്ട്‌ഫോണുകളും ഉള്‍പ്പെടുന്നു.
 )
Followഡിഫോള്‍ട്ട് ക്യാമറ ആപ്പ് അല്ലെങ്കില്‍ ഗൂഗിള്‍ ലെന്‍സ് ആപ്പ് ഉപയോഗിച്ച് നിങ്ങള്‍ക്ക് ആന്‍ഡ്രോയിഡ് ഉപകരണത്തില്‍ ക്യുആര്‍ കോഡുകള്‍ സ്‌കാന്‍ ചെയ്യാം. ഒരു ക്യാമറ ഉള്ളിടത്തോളം, അതിന് ഏത് ക്യൂആര്‍ കോഡും സ്‌കാന്‍ ചെയ്യാന്‍ കഴിയും. കോഡ് സ്‌കാന്‍ ചെയ്തുകഴിഞ്ഞാല്‍, ഒരു യുആര്‍എല്‍ തുറക്കും. ഇത് ഏതു രീതിയില്‍ വേണമെങ്കിലും ആരുമായും പങ്കിടുകയോ ചെയ്യാം.
ഇപ്പോള്‍ പലേടത്തും ഇത്തരം ക്യുആര്‍ കോഡുകള്‍ കാണാനാവും. ഇത് ഇത്തരം കോഡുകളുടെ ജനപ്രീതി വര്‍ദ്ധിപ്പിച്ചു. റസ്റ്റോറന്റ് വിന്‍ഡോകളിലും ബസ് സ്റ്റോപ്പുകളിലും സ്റ്റോറുകളിലും പുസ്തകങ്ങളിലും ഇവ വേഗത്തില്‍ കണ്ടെത്താനാകും. നിര്‍ദ്ദിഷ്ട വെബ്സൈറ്റുകളിലേക്ക് ആളുകളെ വേഗത്തില്‍ നയിക്കുന്നതിനുള്ള ഉപയോഗപ്രദമായ മാര്‍ഗങ്ങളാണ് അവ. ക്യുആര്‍ കോഡുകള്‍ കൂടുതല്‍ സ്റ്റാന്‍ഡേര്‍ഡ് ആകുമ്പോള്‍, കൂടുതല്‍ ഉപകരണങ്ങള്‍ അവയെ സ്‌കാന്‍ ചെയ്യാന്‍ രൂപകല്‍പ്പന ചെയ്തിരിക്കുന്നു. അതില്‍ സ്മാര്‍ട്ട്‌ഫോണുകളും ഉള്‍പ്പെടുന്നു.
നിങ്ങളുടെ ആന്‍ഡ്രോയിഡില്‍ ഒരു ക്യുആര്‍ കോഡ് എങ്ങനെ വേഗത്തില്‍ സ്‌കാന്‍ ചെയ്യാം
മിക്ക ആന്‍ഡ്രോയിഡ് ഉപകരണങ്ങളിലും ക്യുആര്‍ കോഡുകള്‍ സ്‌കാന്‍ ചെയ്യാന്‍ ക്യാമറ ആപ്പ് ഉപയോഗിക്കാം.
1. നിങ്ങളുടെ ക്യാമറ ആപ്പ് തുറക്കുക.
2. ക്യാമറ കോഡ് ഫ്രെയിമിലേക്ക് സെറ്റ് ചെയ്യുക. കോഡ് എളുപ്പത്തില്‍ സ്‌കാന്‍ ചെയ്യാവുന്നതാണെങ്കില്‍, ഫ്രെയിമിന്റെ ചുവടെ കോഡിന്റെ യുആര്‍എല്‍ ദൃശ്യമാകുന്നത് കാണും. ആ യുആര്‍എല്‍ തുറക്കാന്‍ അതില്‍ ടാപ്പ് ചെയ്യുക.
നിങ്ങളുടെ ക്യാമറയ്ക്ക് അത് തിരിച്ചറിയാന്‍ കഴിയുന്നില്ലെങ്കില്‍, നിങ്ങളുടെ ക്യാമറ അടച്ച് വീണ്ടും തുറക്കാനോ ക്യുആര്‍ കോഡ് പൊസിഷന്‍ നീക്കാനോ ശ്രമിക്കുക.
ഇത് പ്രവര്‍ത്തിക്കുന്നില്ലെങ്കില്‍, ക്യാമറ ഉപയോഗിച്ച് വെബില്‍ തിരയാന്‍ നിങ്ങളെ അനുവദിക്കുന്ന ആപ്പായ ഗൂഗിള്‍ ലെന്‍സ് നിങ്ങള്‍ ഉപയോഗിക്കേണ്ടതുണ്ട്. നിങ്ങള്‍ സ്‌കാന്‍ ചെയ്ത ക്യുആര്‍ കോഡ് ഉപയോഗിക്കുന്നതിനുള്ള കൂടുതല്‍ ഓപ്ഷനുകളും ലെന്‍സ് നല്‍കുന്നു.
പിക്‌സല്‍ 5 പോലെയുള്ള ചില ആന്‍ഡ്രോയിഡ് ഫോണുകളില്‍ ക്യാമറ ആപ്പില്‍ ലെന്‍സ് ബില്‍റ്റ് ചെയ്തിട്ടുണ്ട്. സ്‌ക്രീനിന്റെ താഴെയുള്ള മോഡുകള്‍ ടാപ്പ് ചെയ്ത് ലെന്‍സ് ടാപ്പ് ചെയ്ത് വീണ്ടും ശ്രമിക്കുക. അല്ലെങ്കില്‍, പ്ലേ സ്റ്റോറില്‍ നിന്ന് ഡൗണ്‍ലോഡ് ചെയ്യുക.
1. ലെന്‍സ് തുറന്ന് നിങ്ങളുടെ ക്യാമറ നീക്കുക, ക്യൂആര്‍ കോഡ് ഫ്രെയിമില്‍ ആയിരിക്കണം.
2. കോഡിന്റെ യുആര്‍എല്‍ അതിന് മുകളില്‍ ദൃശ്യമാകും. ഇത് ഉടനടി തുറക്കാന്‍ ടാപ്പുചെയ്യുക, അല്ലെങ്കില്‍ കൂടുതല്‍ ഓപ്ഷനുകള്‍ കണ്ടെത്തുന്നതിന് സ്‌ക്രീനിന്റെ താഴെയുള്ള സൂം ലെന്‍സില്‍ ടാപ്പുചെയ്യുക.
3. ഇങ്ങനെ ചെയ്യുമ്പോള്‍ മൂന്ന് ഓപ്ഷനുകള്‍ ലഭിക്കും:
വെബ്സൈറ്റിന്റെ യുആര്‍എല്‍ ഉപയോഗിച്ച് ഫോണിലെ ഡിഫോള്‍ട്ട് വെബ് ബ്രൗസറില്‍ സൈറ്റ് തുറക്കുന്നു. ഈ യുആര്‍എല്‍ നിങ്ങളുടെ ഫോണിന്റെ ക്ലിപ്പ്‌ബോര്‍ഡിലേക്ക് ലഭിക്കുന്നതിനാല്‍ ഇത് എവിടെയും പേസ്റ്റ് ചെയ്യാന്‍ കഴിയും. മെസേജുകളിലും ടെക്സ്റ്റിലും ഇ-മെയ്‌ലിലും മറ്റൊരു ആപ്പ് ഉപയോഗിക്കുമ്പോഴോ ആര്‍ക്ക് വേണമെങ്കിലും ഷെയര്‍ ചെയ്യാനോ കഴിയും.
