ഏപ്രില്‍ ഫൂള്‍ ദിനത്തില്‍ പറ്റിക്കാനില്ലെന്ന് ഗൂഗിള്‍
കൊറോണ വൈറസ് മൂലമുണ്ടാകുന്ന കോവിഡ് 19 രോഗത്തിനെതിരെ പോരാടുന്നതില്‍ ലോകം വ്യാപൃതമായിരിക്കുന്നതിനെത്തുടര്‍ന്നാണ് ഈ നീക്കം.
 )
Followന്യൂയോര്‍ക്ക്: 2000 മുതല്‍ ഏപ്രില്‍ 1 ന് എല്ലാ വര്‍ഷവും പുതിയ തമാശകള്‍ അവതരിപ്പിക്കുന്ന ഒരു പാരമ്പര്യമാണ് ഗൂഗിളിനുള്ളത്. ഇന്റര്‍നെറ്റ് ഉപയോക്താക്കളില്‍ ഏപ്രില്‍ ഫൂള്‍സിന്‍റെ തമാശകള്‍ ജനപ്രിയമാക്കിയ ആദ്യത്തെ ടെക് കമ്പനികളില്‍ ഒന്നാണിത്. എന്നാല്‍ ഈ വര്‍ഷം, ടെക് ഭീമന്‍ ഉപയോക്താക്കളെ പറ്റിക്കുന്ന വിനോദത്തില്‍ ഏര്‍പ്പെടുന്നില്ലെന്നു തീരുമാനിച്ചു.
കൊറോണ വൈറസ് മൂലമുണ്ടാകുന്ന കോവിഡ് 19 രോഗത്തിനെതിരെ പോരാടുന്നതില്‍ ലോകം വ്യാപൃതമായിരിക്കുന്നതിനെത്തുടര്‍ന്നാണ് ഈ നീക്കം. ആഗോളതലത്തില്‍ ലോക്ക്ഡൗണുകള്‍ പ്രഖ്യാപിച്ചതിനുശേഷം ഇന്റര്‍നെറ്റ് ഉപയോഗത്തില്‍ കുതിച്ചുചാട്ടം ഉണ്ടായി. ഈ സമയങ്ങളില്‍ എല്ലാവരെയും സഹായിക്കാനാവുന്ന ഒരു ടൂള്‍ അവതരിപ്പിക്കാന്‍ ഗൂഗിള്‍ ആഗഹിക്കുന്നു.
ഏപ്രില്‍ ഫൂള്‍സ് തമാശകള്‍ അവതരിപ്പിക്കുന്നതില്‍ നിന്നും വിട്ടുനില്‍ക്കണമെന്ന് ഗൂഗിള്‍ തങ്ങളുടെ പ്ലാറ്റ്‌ഫോമുകളിലുടനീളമുള്ള മാനേജര്‍മാരെ അറിയിച്ചു. ഗൂഗിളിന്റെ ചീഫ് മാര്‍ക്കറ്റിംഗ് ഓഫീസര്‍ ലോറന്‍ ടുഹിലാണ് ഈ നിര്‍ദ്ദേശം നല്‍കിയെതന്നാണ് റിപ്പോര്‍ട്ട്. കൊവിഡ് 19 ബാധിച്ചവര്‍ക്ക് ആദരവ് നല്‍കാനാണ് ഈ നടപടി സ്വീകരിക്കുന്നതെന്ന് അതില്‍ വ്യക്തമാക്കി.
2019 ലെ കണക്കനുസരിച്ച്, ഗൂഗിള്‍ മാപ്പ്, ഗൂഗിള്‍ കലണ്ടര്‍, ഗൂഗിള്‍ അസിസ്റ്റന്റ്, ജിമെയില്‍ എന്നിവ പോലുള്ള ഉല്‍പ്പന്നങ്ങള്‍ ഏപ്രില്‍ ഫൂള്‍ ഉള്‍പ്പെടുത്തിയിരുന്നു. ഇതൊരു താത്ക്കാലികമാണെന്നും അടുത്ത വര്‍ഷം കൂടുതല്‍ തമാശകളും വിനോദങ്ങളുമായി തിരികെയെത്തുമെന്നും ഗൂഗിള്‍ പറയുന്നു.
