ബിഎസ്എന്‍എല്‍ ഈ പ്ലാനുകളുടെ വാലിഡിറ്റി മെയ് 31 വരെ നീട്ടുന്നു, ഒപ്പം 100 മിനിറ്റ് സൗജന്യ കോളിങ്ങും
ബിഎസ്എന്‍എല്‍ പ്രീപെയ്ഡ് ഉപയോക്താക്കള്‍ക്ക് ഏപ്രില്‍ 1 നോ അതിനുശേഷമോ കാലാവധി അവസാനിച്ചവര്‍ക്ക് സൗജന്യ വാലിഡിറ്റി പ്രഖ്യാപിച്ചു.
 )
Followബിഎസ്എന്‍എല്‍ പ്രീപെയ്ഡ് ഉപയോക്താക്കള്‍ക്ക് ഏപ്രില്‍ ഒന്നിനോ അതിനുശേഷമോ കാലാവധി അവസാനിച്ചവര്‍ക്ക് സൗജന്യ വാലിഡിറ്റി പ്രഖ്യാപിച്ചു. കൊവിഡ് 19, ടക്ടട്ടേ ചുഴലിക്കാറ്റ് എന്നിവ കാരണം 2021 ഏപ്രില്‍ ഒന്നിന് ശേഷം റീചാര്‍ജ് ചെയ്യാന്‍ കഴിയാത്ത പ്രീപെയ്ഡ് വരിക്കാര്‍ക്കു വേണ്ടിയാണ് മെയ് 31 വരെ വാലിഡിറ്റി വര്‍ദ്ധിപ്പിച്ചിരിക്കുന്നത്.
ഈ ഉപഭോക്താക്കള്‍ക്ക് കോളുകള്‍ വിളിക്കാന്‍ 100 മിനിറ്റ് സൗജന്യ ടോക്ക്‌ടൈം ലഭിക്കും. ഈ പ്രതിസന്ധി ഘട്ടത്തില്‍ ഇന്‍കമിംഗ് കോളുകള്‍ തുടര്‍ന്നും അനുവദിക്കുന്നതിന് ഒപ്പം 107, 197 രൂപ, 397 രൂപ വിലയുള്ള പ്ലാന്‍ വൗച്ചറുകള്‍ക്ക് സൗജന്യ വാലിഡിറ്റിയും 100 മിനിറ്റ് കോളിംഗും നല്‍കും.
പ്ലാന്‍ വൗച്ചര്‍ പിവി 107-ന് 100 മിനിറ്റ് കോളിംഗും 100 ദിവസത്തെ വാലിഡിറ്റിയും ഉള്ള 3 ജിബി ഡാറ്റയും ആദ്യത്തെ 60 ദിവസത്തേക്ക് ബിഎസ്എന്‍എല്‍ ട്യൂണുകളും നല്‍കുന്നു. പ്ലാന്‍ വൗച്ചര്‍ 197ന് പരിധിയില്ലാത്ത കോളുകള്‍ക്കൊപ്പം 180 ദിവസത്തെ വാലിഡിറ്റിയും പ്രതിദിനം 100 എസ്എംഎസുള്ള 2 ജിബി പ്രതിദിന ഡാറ്റയും നല്‍കുന്നു. ഇത് 18 ദിവസത്തേക്ക് ബിഎസ്എന്‍എല്‍ ട്യൂണ്‍സ്, സിംഗ് മ്യൂസിക് എന്നിവയിലേക്ക് പ്രവേശനം നല്‍കുന്നു.
പ്ലാന്‍ വൗച്ചര്‍ 397 രൂപയ്ക്ക് 365 ദിവസത്തെ വാലിഡിറ്റിയും 2 ജിബി പ്രതിദിന ഡാറ്റയും പ്രതിദിനം 100 എസ്എംഎസും വാഗ്ദാനം ചെയ്യുന്നു. 60 ദിവസത്തേക്ക് ബിഎസ്എന്‍എല്‍ ട്യൂണുകളും ലോക്ദുന്‍ ഉള്ളടക്കവും ഇത് വാഗ്ദാനം ചെയ്യുന്നു. ഉപയോക്താക്കള്‍ക്ക് മൈ ബിഎസ്എന്‍എല്‍ ആപ്ലിക്കേഷനില്‍ നിന്ന് റീചാര്‍ജ് ലഭിക്കുകയാണെങ്കില്‍ ബിഎസ്എന്‍എല്‍ കൂടുതല്‍ ഡിസ്‌ക്കൗണ്ട് നല്‍കുന്നു.
റീചാര്‍ജിനായി ലഭ്യമായ നിരവധി ഓപ്ഷനുകളില്‍ മൈബിഎസ്എന്‍എല്‍ മൊബൈല്‍ അപ്ലിക്കേഷന്‍, ബിഎസ്എന്‍എല്‍ വെബ്‌സൈറ്റ്, മറ്റ് ജനപ്രിയ വാലറ്റ് സേവനങ്ങള്‍ എന്നിവ ഉള്‍പ്പെടുന്നു. ബിഎസ്എന്‍എല്‍ വരിക്കാര്‍ക്ക് അവരുടെ ചങ്ങാതിമാരുടെയും കുടുംബത്തിന്റെയും ബിഎസ്എന്‍എല്‍ പ്രീപെയ്ഡ് മൊബൈല്‍ റീചാര്‍ജ് ചെയ്യുന്നതിന് മൈബിഎസ്എന്‍എല്‍ ആപ്ലിക്കേഷന്‍ ഉപയോഗിച്ച് 4 ശതമാനം മുന്‍കൂര്‍ ഡിസ്‌ക്കൗണ്ട് ലഭിക്കും.
എയര്‍ടെല്‍, ജിയോ, വോഡഫോണ്‍ എന്നിവ താഴ്ന്ന വരുമാനമുള്ള വരിക്കാര്‍ക്ക് ആശ്വാസം പ്രഖ്യാപിച്ചതിനെ തുടര്‍ന്നാണ് ബിഎസ്എന്‍എല്ലും സമാന രീതിയില്‍ പദ്ധതി അവതരിപ്പിക്കുന്നത്. ജിയോഫോണ്‍ അതിന്റെ ഉപയോക്താക്കള്‍ക്ക് 300 മിനിറ്റ് സൗജന്യ കോളിംഗ് നല്‍കും. റിലയന്‍സ് ഫൗണ്ടേഷനുമായി സഹകരിച്ച് പ്രഖ്യാപിച്ച ഈ സംരംഭം, മുകളില്‍ പറഞ്ഞ ജിയോ ഉപയോക്താക്കള്‍ക്ക് പകര്‍ച്ചവ്യാധിയുടെ മുഴുവന്‍ കാലയളവിനും പ്രതിദിനം 10 മിനിറ്റ് വാഗ്ദാനം ചെയ്യും. കൂടാതെ, ഒരു ഉപയോക്താവ് റീചാര്‍ജ് ചെയ്യുന്ന ഓരോ ജിയോ ഫോണ്‍ പ്ലാനിനും സൗജന്യ റീചാര്‍ജ് പ്ലാന്‍ ജിയോ പ്രഖ്യാപിച്ചിട്ടുണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
