ഉള്ള സ്ഥലം മതി

ന​ഗരത്തിൽ താമസിക്കാൻ തുടങ്ങിയാലുള്ള പ്രധാന പ്രശ്നമാണ് പച്ചപ്പ് എങ്ങും കാണാനില്ല എന്നത്. അതിന് പരിഹാരമുണ്ട് ഉള്ള സ്ഥലം പച്ചപ്പുള്ളതാക്കാം. ​

പൂക്കളും ചെടികളും പച്ചക്കറികളുമൊക്കെയായി ജീവിക്കാൻ ഇഷ്ടപ്പെടുന്നവർ ഒരുപാട് കാണും. പക്ഷേ, നഗരത്തിലെ വീട്ടില്‍ സൗകര്യം കാണണമെന്നില്ല.

എന്നാൽ, ഇത്തരം അവസ്ഥകളിൽ ഇന്ന് നമുക്ക് ചെയ്യാവുന്നതാണ് ടെറസിന് മുകളിലോ ബാൽക്കണിയിലോ ഒക്കെ ഒരു കൊച്ചു ​ഗാർഡൻ ഒരുക്കുക എന്നത്. 

ഇങ്ങനെ ​ഗാർഡൻ ഒരുക്കുന്നത് വഴി ​ഗാർഡനിം​ഗിലുള്ള നമ്മുടെ ഇഷ്ടം തുടരാം, നമ്മുടേതായ പച്ചപ്പിന്റെ ഒരു ഇടമുണ്ടാക്കിയെടുക്കാം തുടങ്ങി ഒരുപാട് ​ഗുണങ്ങളുണ്ട്. 

റൂഫ്ടോപ്പ് ​ഗാർഡൻ, ബാൽക്കണി ​ഗാർഡൻ, വെർട്ടിക്കൽ ​ഗാർഡൻ ഇവയൊക്കെ പരീക്ഷിക്കാവുന്നതാണ്. വായുവിന്റെ ​ഗുണനിലവാരം മെച്ചപ്പെടും. ചൂടിൽനിന്നും മറ്റും അല്പം ആശ്വാസവും കിട്ടും.

മിക്കവാറും ഉപയോഗിക്കാതെ കിടക്കുന്ന ഇടമായിരിക്കും ടെറസ്. അത് പരമാവധി ഉപയോ​ഗപ്പെടുത്തുക. പച്ചപ്പ് നിറഞ്ഞ പുൽത്തകിടി, ചെടികൾ, പച്ചക്കറികൾ ഒക്കെ ഇവിടെ നടാം. 

ബാൽക്കണിയിൽ ഭം​ഗിയുള്ള ചെടികളും പൂക്കളുണ്ടാകുന്ന ചെടികളും ഒക്കെ നടാം. അവിടെത്തന്നെ നമുക്ക് ഇരിക്കാനും വായിക്കാനും ഒക്കെ പറ്റുന്ന ഒരു കുഞ്ഞിടം നമുക്കായി ഒരുക്കിയെടുക്കുകയും ചെയ്യാം.