റീപോട്ടിംഗ് ടിപ്സ്

ഇൻഡോർ പ്ലാന്റുകളിൽ പലതും വാടിപ്പോയോ? റീപോട്ടിം​ഗിനെ കുറിച്ച് ആലോചിക്കാവുന്നതാണ്. ചൂടിന്റെ കാഠിന്യം കുറഞ്ഞതിനാൽ തന്നെ ഈ സമയത്തോ, മഴക്കാലം തുടങ്ങുമ്പോഴോ ചെടികൾ മാറ്റി നട്ടുനോക്കാം. 

മാറ്റിനടുകയെന്നാൽ പാത്രം മാറ്റി നടുകയല്ല, മറിച്ച് പോട്ടിം​ഗ് മിശ്രിതം മാറ്റുകയാണ് വേണ്ടത്. ഒന്നോ രണ്ടോ ഇഞ്ച് കൂടുതൽ വലിപ്പമുള്ള പാത്രത്തിലേക്ക് മാറ്റിനടുകയും ചെയ്യാം. 

ഇപ്പോഴുള്ള പാത്രത്തിൽ നിന്നും കരുതലോടെ വേണം ചെടി നീക്കം ചെയ്യാൻ. തണ്ടിലോ ഇലകളിലോ മൃദുവായി പിടിച്ചശേഷം അടിയിൽ ചെറുതായി തട്ടിക്കൊടുക്കാം. വേരുപൊട്ടാതെ വേണം ചെടി നീക്കം ചെയ്യാൻ.

ചെടിയുടെ വേരുകൾ മണ്ണിൽ കുടങ്ങിക്കിടക്കുകയായിരിക്കും മിക്കവാറും. കുരുങ്ങിക്കിടക്കുന്ന വേരുകൾ ശ്രദ്ധയോടെ അഴിച്ചെടുക്കുക. കൂടുതൽ നീളമുള്ള വേരുകൾ വെട്ടിമാറ്റാം. 

പഴയ പോട്ടിംഗ് മിശ്രിതം നീക്കം ചെയ്യുക. ചെടിയുടെ വേരുകൾക്ക് ചുറ്റുമുള്ള പഴയ പോട്ടിംഗ് മിശ്രിതത്തിൻ്റെ മൂന്നിലൊന്നോ അതിലധികമോ നീക്കം ചെയ്യാം. 

പാത്രത്തിൽ പുതിയ പോട്ടിം​ഗ് മിശ്രിതം ചേർക്കുക. ദ്വാരങ്ങളുള്ള പാത്രങ്ങളാണ് നല്ലത്. ഇല്ലെങ്കിൽ പോട്ടിം​ഗ് മിശ്രിതം നിറക്കും മുമ്പ് ചരലോചെറിയ കല്ലുകളോ ഒക്കെ അടിഭാ​ഗത്തിട്ടു കൊടുക്കാം. 

ഇനി ചെടി നടാം. നടുക്കായി വേണം ചെടി നടാൻ. ചെടി നട്ട ശേഷം വീണ്ടും കുറച്ചുകൂടി പോട്ടിം​ഗ് മിശ്രിതം ചേർക്കാം. ഒരുപാട് മണ്ണ് നിറയ്ക്കരുത്. വേരുകൾക്ക് 'ശ്വാസം വിടാനാകണ'മെന്ന് സാരം.