Web Specials
ലോകത്തെ രണ്ടാമത്തെ വലിയ കപ്പൽ കമ്പനിയായ മെസ്‌കിന്‍റെ സാൻ ഫെർണാണ്ടോ മദർഷിപ്പിനെ വാട്ടർ സല്യൂട്ട് നൽകി ഇന്ന് ഏഴേകാലോടെ വിഴിഞ്ഞം തുറമുഖത്തേക്ക് സ്വീകരിച്ചു.
1930 കണ്ടെയ്നറുകളാണ് ഡാനിഷ് കമ്പനിയായ മെസ്ക്കിന്‍റെ സാൻ ഫെർണാണ്ടോ ചരക്ക് കപ്പലില്‍ നിന്നും വിഴിഞ്ഞത്ത് ഇറക്കുക.
ജൂലൈ രണ്ടിന് ചൈനയിലെ സിയാമെൻ തുറമുഖത്ത് നിന്നും പുറപ്പെട്ട കപ്പൽ കൊളംബോ വഴിയാണ് വിഴിഞ്ഞത്തെത്തിയത്.
വിഴിഞ്ഞം തുറമുഖം തുറക്കുന്നതോടെ കേരളത്തിന്‍റെ വികസന ചരിത്രത്തിലും പുതിയ അധ്യായം തുറക്കും. നാളത്തെ ട്രയൽ റൺ പൂർത്തിയാകുന്നതോടെ വിഴിഞ്ഞം തുറമുഖം ഔദ്ധ്യോഗികമായി യാഥാർത്ഥ്യമാവും.
എട്ട് ഷിപ്പ് ടു ഷോർ ക്രെയ്നുകളും 23 യാർഡ് ക്രെയ്നുകളുമാണ് വിഴിഞ്ഞത്ത് ഒരുക്കിയിരിക്കുന്നത്. ഓട്ടമേറ്റഡ് സംവിധാനം വഴി ചരക്കിറക്കവും കയറ്റവും നിയന്ത്രിക്കാൻ കഴിയും.
കൂറ്റൻ ഷിപ്പ് ടു ഷോർ ക്രെയ്ൻ ഉപയോഗിച്ച് കണ്ടെ്യനറുകൾ കപ്പിൽ നിന്ന് ഇറക്കും. ശേഷം കണ്ടെയ്നുകൾ ടെർമിനൽ ട്രക്കുകളിലേക്ക് മാറ്റും.
യാർഡ് ക്രെയ്നുകൾ ഉപയോഗിച്ച് കണ്ടെയ്നറുകൾ യാർഡിൽ അടുക്കിവയ്ക്കും. ഓരോ റൂട്ടിലേക്കുമുള്ള കണ്ടെയ്നുകൾ അതനുസരിച്ചാകും ക്രമീകരിക്കുക.