എല്ലാവർക്കും നന്ദി..

വിവാഹം കഴിഞ്ഞ് ആദ്യ പ്രതികരണവുമായി എത്തിയിരിക്കുകയാണ് ഭാ​ഗ്യ സുരേഷും ശ്രേയസും. ഇന്നലെ നടന്ന വിവാഹ സൽക്കാരത്തിന് ശേഷമായിരുന്നു ഇത്. 

വിവാഹം  ഇത്രയും വലിയ സ്കെയിലിൽ പോകുമെന്ന് ഒരിക്കലും വിചാരിച്ചില്ല. കുറച്ചധികം ആൾക്കാർ ആയിപ്പോയി അതിന്റെ ബഹളവും തിരക്കുമൊക്കെ ഉണ്ടായിരുന്നു. എല്ലാവർക്കും നന്ദിയെന്ന് ഭാ​ഗ്യ പറഞ്ഞു.  

2024 ജനുവരി 17ന് ​ഗുരുവായൂരിൽ ആയിരുന്നു ഭാ​ഗ്യയുടെയും ശ്രേയസിന്റെയും വിവാഹം. പ്രധാനമന്ത്രിയും മമ്മൂട്ടിയും മോഹൻലാലും ജയറാമും തുടങ്ങി നിരവധി പേർ സന്നിഹിതരായി. 
 

വ്യവസായിയായ മോഹന്റെയും ശ്രീദേവി മോഹന്റെയും മകനാണ് ശ്രേയസ്. ഹല്‍ദി, സംഗീത് തുടങ്ങിയ ആഘോഷങ്ങളുടെ വീഡിയോകളിലെല്ലാം വളരെ ആക്ടീവായിരുന്നു ശ്രേയസ്. ബിസിനസുകാരനാണ് ഇദ്ദേഹം. 
 

വിവാഹ ശേഷം രണ്ട് ദിവസം വിവാഹ സൽക്കാരം നടന്നിരുന്നു. അദ്യ ദിനം കൊച്ചിയിലും പിന്നാലെ തിരുവനന്തപുരത്തും. വൻ താരനിരയാണ് നവവരനും വധുവിനും ആശംസകൾ അറിയിക്കാൻ എത്തിച്ചേർന്നത്. 
 

സുരേഷ് ഗോപി- രാധിക ദമ്പതികളുടെ മൂത്ത മകളാണ് ഭാ​ഗ്യ. പരേതയായ ലക്ഷ്‍മി സുരേഷ്, നടൻ ഗോകുല്‍ സുരേഷ്, ഭവ്നി സുരേഷ്, മാധവ് സുരേഷ്, എന്നിവരാണ് മറ്റ് മക്കള്‍.