Money News
ഏറ്റവും മികച്ച ഗുണനിലവാരത്തിലുള്ള ബാഗുകള്‍ ഉപഭോക്താക്കളുടെ അഭിരുചിക്ക് അനുസരിച്ച് താങ്ങാവുന്ന വിലയില്‍ തയ്യാറാക്കി നല്‍കുന്ന സംരംഭമാണ് തിരുവനന്തപുരത്തെ സഞ്ചി ബാഗ്സ്
തിരുവനന്തപുരം വെഞ്ഞാറമൂട് നാല്‍പതോളം വനിതകള്‍ ജോലി ചെയ്യുന്ന നിര്‍മാണ യൂണിറ്റ്. പലരും വീടുകളിലിരുന്ന് ബാഗ് നിര്‍മിക്കുന്നു. 500 ബാഗുകള്‍ ദിവസവും.
ബിസിനസിന് അപ്പുറം പാഷനായി തുടങ്ങിയ സംരംഭം ഇന്ന് പുതിയ ഉയരങ്ങളില്‍ എത്തുമ്പോള്‍ സഫര്‍ അമീറിനൊപ്പം എല്ലാ പിന്തുണയുമായി ഭാര്യ ആതിര ഫിറോസുമുണ്ട്.
എഞ്ചിനീയറിങ് പഠന ശേഷം ഒരു പാര്‍ട്ടി സമ്മേളനത്തിന് വേണ്ടി ബാഗ് തയ്യാറാക്കി തുടക്കം. പിന്നീട് 2012ല്‍ IFFK വേദിയില്‍ സഞ്ചി വിറ്റത് വന്‍ വിജയമായി മാറി. പിന്നീട് ജോലിക്കൊപ്പമായി സഞ്ചി.
തുടക്കത്തില്‍ ബിസിനസ് സാധ്യതയായി പോലും സഞ്ചിയെ ആരും കണക്കാക്കിയിരുന്നില്ല. നിലവില്‍ നിരവധി സംരംഭങ്ങള്‍ ഈ രംഗത്തുണ്ട്. പ്രകൃതി സൗഹൃദം എന്നതിനപ്പുറം ട്രെന്‍ഡായി മാറി.
2016ല്‍ ജോലി ഉപേക്ഷിച്ചു. അതിനോടകം ആതിരയും സഞ്ചിയുടെ ഭാഗമായി. കൊവിഡ് കാലത്ത് സഞ്ചിക്ക് അപ്പുറം ബെഡ്ഷീറ്റിലേക്കും പിന്നീട് ഉപഭോക്താക്കളുടെ നിര്‍ദേശപ്രകാരം നിരവധി ഉത്പന്നങ്ങളായി.
നിലവില്‍ 500 ബാഗുകള്‍ ദിവസവും തയ്യാറാക്കുന്ന നാല്‍പതോളം വനിതള്‍ ജോലി ചെയ്യുന്ന സ്ഥാപനം. വെബ്സൈറ്റിലൂടെയും സാമൂഹിക മാധ്യമങ്ങളിലൂടെയും നേരിട്ടും വിപണനം. മറ്റ് നഗരങ്ങളിലും ഉടനെത്തും.