Health
ഇന്ന് ഒക്ടോബർ 12. ലോക കാഴ്ച ദിനമായി ആചരിക്കുന്നു. പുകവലി, തെറ്റായ ഭക്ഷണക്രമം, ഉറക്കക്കുറവ് എന്നിങ്ങനെയുള്ള പല ജീവിത ശീലങ്ങളും കണ്ണിന്റെ ആരോഗ്യത്തെ മോശമാക്കുന്നു.
കണ്ണിന്റെ ആരോഗ്യത്തിനായി ജീവിതശെെലിയിൽ ശ്രദ്ധക്കേണ്ടത് എന്തൊക്കെയെന്നറിയാം...
നേത്രാരോഗ്യം ഉറപ്പാക്കുന്നതിന് പതിവ് നേത്ര പരിശോധന ചെയ്യുക. കാരണം അവ ഗ്ലോക്കോമ, തിമിരം, മാക്യുലാർ രോഗങ്ങൾ എന്നിവയുടെ ആദ്യകാല ലക്ഷണങ്ങൾ കണ്ടെത്താൻ സഹായിക്കും.
ആന്റിഓക്‌സിഡന്റുകളും വിറ്റാമിനുകളും അടങ്ങിയ ആരോഗ്യകരമായ ഭക്ഷണക്രമം സ്വീകരിക്കുക.
വിറ്റാമിൻ എ, ഒമേഗ 3 ഫാറ്റി ആസിഡുകൾ, വിറ്റാമിൻ സി, സെലിനിയം തുടങ്ങിയവ ഭക്ഷണങ്ങൾ ശീലമാക്കുക.
സമീകൃതാഹാരം പ്രായവുമായി ബന്ധപ്പെട്ട വിവിധ നേത്രരോഗങ്ങൾക്കെതിരെ ശരീരത്തിന്റെ സ്വാഭാവിക പ്രതിരോധം വർദ്ധിപ്പിക്കും.
അവശ്യ പോഷകങ്ങൾ പ്രായവുമായി ബന്ധപ്പെട്ട നേത്ര പ്രശ്നങ്ങൾ ഉണ്ടാകാനുള്ള സാധ്യത കുറയ്ക്കുക ചെയ്യുന്നു.
അൾട്രാവയലറ്റ് പരിരക്ഷയുള്ള സൺഗ്ലാസുകൾ ധരിക്കുക. അവ കണ്ണുകൾക്ക് ചുറ്റുമുള്ള ചർമ്മത്തെ സംരക്ഷിക്കാൻ സഹായിക്കും.
പതിവായി വ്യായാമം ചെയ്യുന്നത് രക്തചംക്രമണം മെച്ചപ്പെടുത്തുകയും നേത്രരോഗങ്ങളുടെ സാധ്യത കുറയ്ക്കുകയും ചെയ്യുന്നു.
കമ്പ്യൂട്ടറുകൾക്ക് മുന്നിൽ അധിക നേരം ഇരുന്ന് ജോലി ചെയ്യുന്നത് കണ്ണുകളുടെ ആരോഗ്യത്തെ ബാധിക്കാം.