വിദ്യ ബാലൻ

ബോളിവുഡ് നടി വിദ്യ ബാലന്റെ പുതിയ ലുക്കാണ് ഇപ്പോൾ സമൂഹ മാധ്യമങ്ങളിൽ ചർച്ചയായിരിക്കുന്നത്.

വണ്ണത്തെക്കുറിച്ചുള്ള ചോദ്യങ്ങൾ എപ്പോഴും വിദ്യക്ക് നേരെ വന്നിട്ടുണ്ട്. നിരന്തരമായി ബോഡി ഷെയ്മിം​ഗ് നേരിടുന്നതിനെക്കുറിച്ച് നടി നേരത്തെ സംസാരിച്ചിട്ടുമുണ്ട്.

പലപ്പോഴും ഭാരം വെച്ചുള്ള കഥാപാത്രങ്ങളും വിദ്യ ചെയ്തിട്ടുണ്ട്. ഡേര്‍ട്ടി പിക്ച്ചറിലെ സില്‍ക്ക് സ്മിതയുടെ കഥാപാത്രം തന്നെ അതിന് ഉദാഹരണമാണ്. 

ആരാധകരെ ഞെ‌‌ട്ടിച്ച ട്രാൻസ്ഫോർമേഷനുമായി ക്യാമറയ്ക്ക് മുന്നിൽ എത്തിയിരിക്കുകയാണ് വിദ്യ ബാലൻ. ചന്ദു ചാമ്പ്യൻ എന്ന സിനിമയുടെ സ്ക്രീനിം​ഗിന് എത്തിയതായിരുന്നു വിദ്യ. 

കറുത്ത വസ്ത്രം ധരിച്ചാണ് നടി എത്തിയത്. വിദ്യയുടെ ഭാരം വളരെ വേഗത്തിലാണല്ലോ കുറഞ്ഞിരിക്കുന്നതെന്ന് ആരാധകർ ചൂണ്ടിക്കാട്ടി. 

യോഗയും ധ്യാനവും വിദ്യയുടെ ഡയറ്റിന്റെ ഭാഗമാണ്. സ്ഥിരമായി യോഗ ചെയ്യാറുണ്ടെന്ന് താരം തന്നെ അടുത്തിടെ വ്യക്തമാക്കിയിരുന്നു.

പിസിഒഡിയാണ് തന്റെ ശരീരത്തെ ബാധിച്ചതെന്ന് വണ്ണത്തിന് കാരണമായതെന്നും വിദ്യ വ്യക്തമാക്കിയിട്ടുണ്ട്.

പോഷകങ്ങള്‍ അടങ്ങിയ ഭക്ഷണമാണ് നടി കഴിച്ചിരുന്നത്. അതില്‍ ധാന്യങ്ങള്‍, ഫ്രഷ് ഫ്രൂട്‌സ്, പച്ചക്കറികള്‍ എന്നിവയെല്ലാം അടങ്ങിയ ഡയറ്റാണ് വിദ്യ പിന്തുടർന്നിരുന്നത്.