പച്ചക്കറികൾ

പച്ചക്കറികൾ ആരോ​ഗ്യത്തിന് ഏറെ നല്ലതാണ്. അവയിൽ കലോറിയും കൊഴുപ്പും കുറവാണ്. മാത്രമല്ല ശരീരഭാരം കുറയ്ക്കാൻ സഹായിക്കുന്നു. 

പോഷകങ്ങൾ നിറഞ്ഞ പച്ചക്കറിയാണ് കാബേജ്. ഇതിൽ കലോറി കുറവും ഉയർന്ന നാരുകളുമുണ്ട്. ശരീരഭാരം കുറയ്ക്കാൻ കബേജ് ഫലപ്രദമാണെന്ന് പഠനങ്ങൾ പറയുന്നു.
 

നാരുകളാൽ സമ്പുഷ്ടമായ മറ്റൊരു പച്ചക്കറിയാണ് പാലക്ക് ചീര. ഒരു കപ്പ് പാലക്ക് ചീരയിൽ 7 കലോറി മാത്രമേ അടങ്ങിയിട്ടുള്ളൂ.

കോളിഫ്‌ളവറിലെ ഫൈബറാണ് വയറിലെ കൊഴുപ്പ് കുറയ്ക്കാൻ സഹായിക്കുന്നത്. ഒരു കപ്പ് പാകം ചെയ്ത കോളിഫ്‌ളവറിൽ 3 ഗ്രാം നാരുകളാണുള്ളത്. 
 

ഫൈബർ അടങ്ങിയ മറ്റൊരു പച്ചക്കറിയാണ് ബ്രോക്കോളി. ഇത് ഡയറ്റിൽ ഉൾപ്പെടുത്തിയാൽ ശരീരഭാരം വളരെ പെട്ടെന്ന് തന്നെ കുറയും. ഫൈബറിനു പുറമേ, വിറ്റാമിൻ സിയും ബ്രൊക്കോളിയിൽ അടങ്ങിയിട്ടുണ്ട്.

ശരീരഭാരം കുറയ്ക്കാൻ സഹായിക്കുന്ന പോഷകങ്ങളാൽ സമ്പുഷ്ടമാണ് വെള്ളരിക്ക. സാലഡായോ സ്മൂത്തിയായോ അല്ലാതെയോ വെള്ളരിക്ക കഴിക്കാം.