Health
കുട്ടികൾക്ക് ആരോഗ്യപ്രശ്നങ്ങളുണ്ടാകുന്നത് സാധാരണമാണ്. ചെറിയ കുട്ടികളിൽ വയറിളക്കം ഒരു സാധാരണ രോഗലക്ഷണമാണ്. ചില കുട്ടികളിൽ ഇടയ്ക്കിടെ വയറിളക്കം ഉണ്ടാകാറുണ്ട്.
ചെറിയ കുട്ടികൾക്ക് പലപ്പോഴും വായിൽ വസ്തുക്കൾ ഇടുന്ന ശീലമുണ്ട്. ഇത് ദോഷകരമായ ബാക്ടീരിയകൾ അകത്താക്കാനുള്ള സാധ്യത വർദ്ധിപ്പിക്കുന്നു.
കുട്ടികൾക്ക് എങ്ങനെ മികച്ച പരിചരണം നൽകാമെന്നും കുട്ടികളിലെ വയറിളക്കം പോലുള്ള ആരോഗ്യപ്രശ്നങ്ങൾ എങ്ങനെ കുറയ്ക്കാമെന്നതിനെ സംബന്ധിച്ച് മാതാപിതാക്കൾ മനസ്സിലാക്കേണ്ടത് വളരെ പ്രധാനമാണ്.
മഴക്കാലത്ത് വിവിധ കാരണങ്ങളാൽ വയറിളക്കം കൂടുതലായി കാണപ്പെടുന്നു. വർദ്ധിച്ച ഈർപ്പവും മഴയും ബാക്ടീരിയ, വൈറസുകൾ ദഹനനാളത്തിലെ അണുബാധയ്ക്ക് കാരണമാകും.
ഭക്ഷണത്തിന് മുമ്പും ടോയ്‌ലറ്റില്‌ പോയതിന് ശേഷവും സോപ്പും വെള്ളവും ഉപയോഗിച്ച് ശരിയായ കൈ കഴുകാൻ കുട്ടികളെ പഠിപ്പിക്കുക.
പുറത്തുള്ള ഭക്ഷണം ഒഴിവാക്കാനും വീട്ടിൽ പാകം ചെയ്ത ഭക്ഷണം കഴിക്കാനും കുട്ടികളെ പ്രോത്സാഹിപ്പിക്കുക.
അണുബാധകൾ തടയുന്നതിന് കെട്ടിക്കിടക്കുന്ന വെള്ളത്തിൽ നിന്നോ കുളങ്ങളിൽ നിന്നോ കുട്ടികളെ അകറ്റി നിർത്തുക.