ഈ ഭക്ഷണങ്ങൾ ഒഴിവാക്കൂ

പ്രഭാതഭക്ഷണവും ഉച്ചഭക്ഷണവും പോലെ തന്നെ പ്രധാനമാണ് അത്താഴവും. രാത്രിയിലെ ഭക്ഷണക്രമത്തിൽ അൽപ്പമൊന്ന് ശ്രദ്ധിച്ചാൽ പല രോഗങ്ങളും ഒഴിവാക്കാം. 

രാത്രിയിൽ എപ്പോഴും ലഘുഭക്ഷണമാണ് നല്ലത്. രാത്രിയിൽ ഒഴിവാക്കേണ്ട ഭക്ഷണങ്ങറിയാം...

രാത്രിയിൽ പാസ്ത കഴിക്കുന്ന ശീലമുണ്ടെങ്കില്‍ അത് നിര്‍ത്തുക. പാസ്തയില്‍ അടങ്ങിയിരിക്കുന്ന കാര്‍ബോഹൈഡ്രേറ്റ് കൊഴുപ്പായി മാറുകയും ഇത് അമിതവണ്ണത്തിന് കാരണമാവുകയും ചെയ്യും. 
 

നൂഡില്‍സ് പോലുള്ള ഭക്ഷണ സാധനങ്ങളും രാത്രി വേണ്ട. ഇത്തരം ഭക്ഷണസാധനങ്ങള്‍ ആരോഗ്യത്തിന് ദോഷം ചെയ്യും.

രാത്രി ഡെസേര്‍ട്ടുകളും ഒഴിവാക്കണം. രാത്രി ഉറങ്ങുന്നതിനു മുന്‍പ് ഐസ്‌ക്രീം ഒരു കാരണവശാലും കഴിക്കരുത്. 

പിസ, ബര്‍ഗര്‍ പോലുള്ള വിഭവങ്ങളും രാത്രി കഴിക്കരുത്. രാത്രി പിസ കഴിക്കുന്നത് നെഞ്ചെരിച്ചില്‍ ഉണ്ടാക്കും. 
 

കഫീന്‍ ധാരാളം അടങ്ങിയ ഡാര്‍ക് ചോക്ലേറ്റുകളും രാത്രി കഴിക്കരുത്. ഇത് ശരീരഭാരം കൂട്ടും.