ചുവന്ന ഭക്ഷണങ്ങൾ

ഹൃദയാരോഗ്യത്തിന് പോഷക​ഗുണമുള്ള ഭക്ഷണങ്ങൾ പ്രധാന പങ്കാണ് വഹിക്കുന്നത്. ഹൃദ്രോ​ഗ സാധ്യത കുറയ്ക്കുന്നതിന് ചുവന്ന പഴങ്ങളും പച്ചക്കറികളും സഹായിക്കുന്നു.

ചുവന്ന പഴങ്ങളിലും പച്ചക്കറികളിലും ലൈക്കോപീൻ, എലാജിക് ആസിഡ്, ക്വെർസെറ്റിൻ തുടങ്ങിയ സംയുക്തങ്ങൾ അടങ്ങിയിട്ടുണ്ട്.  

ചുവന്ന പഴങ്ങളും പച്ചക്കറികളും ആൻ്റിഓക്‌സിഡൻ്റുകളാലും മറ്റ് അവശ്യ പോഷകങ്ങളാലും സമ്പന്നമാണ്. ഇത് ഹൃദയ സംബന്ധമായ രോ​ഗങ്ങൾക്കുള്ള സാധ്യത കുറയ്ക്കുന്നു.

തക്കാളിയിൽ വിറ്റാമിൻ എ, സി എന്നിവ അടങ്ങിയിരിക്കുന്നു. ഇതിൽ ഹൃദയത്തെ സംരക്ഷിക്കുന്ന ലൈക്കോപീൻ എന്ന സംയുക്തം അടങ്ങിയിട്ടുണ്ട്. 

ബീറ്റാ കരോട്ടിൻ, വിറ്റാമിൻ എ, വിറ്റാമിൻ ബി, ധാതുക്കൾ എന്നിവ ബീറ്റ് റൂട്ടിൽ അടങ്ങിയിരിക്കുന്നു. അത് കൊണ്ട് തന്നെ ഹൃദ്രോ​ഗ സാധ്യത കുറയ്ക്കുന്നതിന് സഹായിക്കുന്നു.

ഫോളേറ്റ്, പൊട്ടാസ്യം, മഗ്നീഷ്യം, വിറ്റാമിൻ കെ, വിറ്റാമിൻ സി എന്നിവ സ്ട്രോബെറിയിൽ അടങ്ങിയിരിക്കുന്നു. ഹൃദയവുമായി ബന്ധപ്പെട്ട രോഗങ്ങൾ കുറയ്ക്കുന്നതിന് ഫോളേറ്റ് മികച്ച പോഷകമാണ്.
 

ക്രാൻബെറികളിൽ പ്രോആന്തോസയാനിഡിൻസ് അടങ്ങിയിട്ടുണ്ട്. ഹൃദ്രോ​ഗ സാധ്യത കുറയ്ക്കാനും ക്രാൻബെറിക്ക് കഴിയും.

റാസ്ബെറിയിൽ അടങ്ങിയിരിക്കുന്ന ആൻ്റിഓക്‌സിഡൻ്റുകൾ ഹൃദയത്തിൻ്റെ ആരോഗ്യം നിലനിർത്തുന്നതിനുള്ള മികച്ച ഭക്ഷണങ്ങളിൽ ഒന്നാണ്.

വിറ്റാമിൻ സി, പൊട്ടാസ്യം എന്നിവ ചെറിയിൽ ധാരാളം അടങ്ങിയിട്ടുണ്ട്. ഈ ആൻ്റിഓക്‌സിഡൻ്റ് ഹൃദയത്തെ ആരോ​ഗ്യകരമാക്കുന്നു.