ശരീരഭാരം

ശരീരഭാരം കുറയ്ക്കാൻ ഡയറ്റ് നോക്കുന്നവരാണ് നമ്മളിൽ അധികം പേരും. ജിഐ കുറഞ്ഞ ഭക്ഷണങ്ങൾ ( ഗ്ലൈസെമിക് ഇൻഡക്സ്) ശരീരഭാരം കുറയ്ക്കാനും പ്രമേഹ സാധ്യത നിയന്ത്രിക്കാനും സഹായിക്കും.
 

ഭാരം കുറയ്ക്കാൻ സഹായിക്കുന്ന ജിഐ കുറഞ്ഞ ഭക്ഷണങ്ങൾ ഏതൊക്കെയാണെന്നതാണ് ഇനി പറയുന്നത്...

ആന്റിഓക്‌സിഡന്റുകൾ, വിറ്റാമിനുകൾ, നാരുകൾ എന്നിവയാൽ സമ്പുഷ്ടമാണ് ബെറിപ്പഴങ്ങൾ. അവയിൽ പഞ്ചസാര കുറവും കുറഞ്ഞ ജിഐയും ഉള്ളതിനാൽ ശരീരഭാരം നിയന്ത്രിക്കാൻ സഹായിക്കും.
 

പയർ, ബീൻസ്, ചെറുപയർ, മറ്റ് പയർവർഗ്ഗങ്ങൾ എന്നിവയിൽ പ്രോട്ടീനും നാരുകളും അടങ്ങിയിട്ടുണ്ട്. ഇവ ഭാരം കുറയ്ക്കാൻ സഹായകമാണ്.

സ്റ്റീൽ-കട്ട് അല്ലെങ്കിൽ റോൾഡ് ഓട്‌സ് നാരുകളുടെയും സങ്കീർണ്ണ കാർബോഹൈഡ്രേറ്റുകളുടെയും ഉറവിടമാണ്. ഓട്സ് ശരീരഭാരം കുറയ്ക്കാൻ ഫലപ്രദമാണ്.

തൈരിൽ പ്രോട്ടീൻ, കാൽസ്യം, പ്രോബയോട്ടിക്സ് എന്നിവ അടങ്ങിയിരിക്കുന്നു. ഇത് ശരീരഭാരം കുറയ്ക്കുന്നതിന് സഹായിക്കും. 

വിറ്റാമിൻ സി, ആന്റിഓക്‌സിഡന്റുകൾ, പൊട്ടാസ്യം, നാരുകൾ എന്നിവയാൽ സമ്പന്നമാണ് പേരയ്ക്ക. പേരയ്ക്കയിൽ കലോറി കുറവായതിനാൽ പ്രതിരോധശേഷി ശരീരഭാരം കുറയ്ക്കാൻ സഹായിക്കും.