Health
എല്ലുകളെയും സന്ധികളെയും ശക്തിപ്പെടുത്തുന്നതിന് ആദ്യമേ ഉറപ്പിക്കേണ്ടത് പതിവായ വ്യായാമമാണ്. ഇതില്‍ മുടക്കം വരുത്താതിരിക്കുക
എല്ലുകള്‍ക്കും സന്ധികള്‍ക്കും പ്രയോജനപ്രദമാകുംവിധത്തിലുള്ള കായികവിനോദങ്ങളില്‍ ഏര്‍പ്പെടുന്നത് വളരെ നല്ലതാണ്. നീന്തല്‍, വാട്ടര്‍-എയറോബിക്സ് എല്ലാം ഇതിനുദാഹരണമാണ്
മസില്‍ നല്ലരീതിയില്‍ രൂപപ്പെട്ടുവരുന്നത് എല്ലുകള്‍ക്കും സന്ധികള്‍ക്കും നല്ലതാണ്. ഇതിനായി സ്ട്രെങ്ത് ട്രെയിനിംഗ്, വെയിറ്റ് ലിഫ്റ്റിംഗ് എന്നിവ ചെയ്യാവുന്നതാണ്
സന്ധികള്‍ വഴക്കമുള്ളതായിരിക്കാനും ചലനങ്ങളില്‍ പ്രയാസങ്ങളില്ലാതിരിക്കാനും ദിവസവും സ്ട്രെച്ചിംഗ് ചെയ്യണം. എല്ലിന്‍റെ ആരോഗ്യത്തിനും ഇത് നല്ലതാണ്
ആരോഗ്യത്തിനും പ്രായത്തിനും ഉയരത്തിനുമെല്ലാം അനുസരിച്ച് ശരീരഭാരം സൂക്ഷിച്ചാല്‍ അതും എല്ലുകള്‍ക്കും സന്ധികള്‍ക്ക് ഏറെ നല്ലതാണ്
ദിവസവും ആവശ്യമായത്ര വെള്ളം കുടിക്കാൻ ഓര്‍മ്മിക്കണം. കാരണം വെള്ളംകുടിയില്‍ കുറവ് സംഭവിച്ചാല്‍ അതും എല്ലുകളെയും സന്ധികളെയും ബാധിക്കാം
ആരോഗ്യകരമായ, എല്ലാ പോഷകങ്ങളും ഉറപ്പാകുന്ന ബാലൻസ്ഡ് ആയ ഭക്ഷണരീതി പിന്തുടര്‍ന്നില്ലെങ്കിലും സന്ധികള്‍ ദുര്‍ബലമാകാം
ദീര്‍ഘനേരം ഇരിക്കുമ്പോഴും, കിടക്കുമ്പോഴും, നില്‍ക്കുമ്പോഴുമെല്ലാം ശരീരം എങ്ങനെ വയ്ക്കുന്നു- അഥവാ പോസ്ചറും ശ്രദ്ധിക്കണം. ഇതും എല്ലുകളുടെയും സന്ധികളുടെയും ആരോഗ്യത്തിന് നിര്‍ബന്ധം
കായികാധ്വാനം ചെയ്യുന്നവരെ സംബന്ധിച്ച് അവര്‍ക്ക് ആവശ്യത്തിന് വിശ്രമം വേണം. വിശ്രമം ഇല്ലെങ്കിലും എല്ലുകളും സന്ധികളും ദുര്‍ബലമായിത്തീരാം