Health
മലപ്പുറം ജില്ലയിൽ മഞ്ഞപ്പിത്തം വ്യാപിക്കുന്നു.
രോഗം ഭേദമായ ശേഷവും മുൻകരുതലുകൾ പാലിക്കുന്നത് തുടരാത്തതാണ് രോഗവ്യാപനത്തിന് ഇടയാക്കുന്നതെന്ന് ഡിഎംഒ പറഞ്ഞു.
രക്തത്തിൽ അമിതമായ അളവിൽ ബിലിറൂബിൻ രക്തചംക്രമണം നടത്തുമ്പോൾ ഉണ്ടാകുന്ന രോഗമാണ് മഞ്ഞപ്പിത്തം.
പനി, വയറ് വേദന, മൂത്രത്തിൽ നിറവ്യത്യാസം, മലത്തിൽ നിറവ്യത്യാസം, ഭാരം കുറയുക എന്നിവ രോഗലക്ഷണങ്ങളാണ്.
കൂടാതെ, ചർമത്തിനും കണ്ണുകൾക്കും നഖത്തിനും ഉണ്ടാകുന്ന മഞ്ഞനിറം, വിശപ്പില്ലായ്മ, ഛർദി, ക്ഷീണം എന്നിവയും ലക്ഷണങ്ങളാണ്.
20 മിനുട്ടെങ്കിലും തിളപ്പിച്ച വെള്ളമായിരിക്കണം കുടിക്കേണ്ടത്. മഞ്ഞപ്പിത്തരോഗികൾക്ക് പ്രത്യേക പാത്രത്തിൽ ഭക്ഷണം നൽകുക.
ഹെപ്പറ്റൈറ്റിസ്, പാൻക്രിയാറ്റിക് ക്യാൻസർ, ചില മരുന്നുകൾ, ഹീമോലിറ്റിക് അനീമിയ, മദ്യവുമായി ബന്ധപ്പെട്ട കരൾ രോഗം എന്നിവയെല്ലാം മഞ്ഞപ്പിത്തത്തിന് ഇടയാക്കുന്നു.