ഇറച്ചിയേക്കാൾ പ്രോട്ടീന്‍ അടങ്ങിയ ഭക്ഷണങ്ങൾ

അമിനോ ആസിഡുകള്‍, ആരോഗ്യകരമായ കൊഴുപ്പ്, വൈറ്റമിന്‍, മിനറലുകള്‍ എന്നിവയടങ്ങിയ വിത്തുകള്‍ പ്രോട്ടീന്‍റെ കലവറയാണ്.

100 ഗ്രാം ചിയ സീഡില്‍ ഏകദേശം 17 ഗ്രാം പ്രോട്ടീന്‍ അടങ്ങിയിട്ടുണ്ട്. ധാരാളം ഫൈബറും ചിയ സീഡിലുണ്ട്. ഹൃദയാരോഗ്യം, എല്ലുകളുടെ ആരോഗ്യം എന്നിവയ്ക്കും ചിയ സീഡ് നല്ലതാണ്. 

രോഗപ്രതിരോധ ശേഷി മെച്ചപ്പെടുത്തുന്നതിന് സഹായിക്കുന്ന മത്തങ്ങ വിത്തില്‍ മഗ്നീഷ്യം, സിങ്ക്, ഇരുമ്പ്, കൊഴുപ്പ് എന്നിവയുമുണ്ട്. 100 ഗ്രാം മത്തങ്ങ വിത്തില്‍ 19 ഗ്രാം പോട്ടീനുണ്ട്. 

100 ഗ്രാം ഫ്ലാക്സ് സീഡില്‍ 18 ഗ്രാം പ്രോട്ടീനുണ്ട്. ആന്‍റി ഇന്‍ഫ്ലമേറ്ററി ഗുണങ്ങളും ഫ്ലാക്സ് സീഡിനുണ്ട്.

സൂര്യകാന്തി വിത്തുകളില്‍ വൈറ്റമിന്‍ ഇ, മഗ്നീഷ്യം, സെലെനിയം, ആരോഗ്യകരമായ കൊഴുപ്പ് എന്നിവയുണ്ട്. 100 ഗ്രാം സൂര്യകാന്തി വിത്തില്‍ 21 ഗ്രാം പ്രോട്ടീനുണ്ട്.

100 ഗ്രാം എള്ളിന്‍ 18 ഗ്രാം പ്രോട്ടീന്‍ അടങ്ങിയിട്ടുണ്ട്. കാത്സ്യവും മഗ്നീഷ്യവും ഇരുമ്പും ഇതിലുണ്ട്.
 

100 ഗ്രാം കീന്‍വ വിത്തില്‍ 14 ഗ്രാം പ്രോട്ടീനുണ്ട്. ധാരാളം ഫൈബറും മഗ്നീഷ്യവും ഫോസ്ഫറസും കീന്‍വ വിത്തിലുണ്ട്.