Food
ഓണസദ്യയിലെ പ്രധാന വിഭവമാണല്ലോ പായസം. ഇത്തവണത്തെ ഓണത്തിന് സ്പെഷ്യൽ ക്യാരറ്റ് പായസം തയ്യാറാക്കിയാലോ? വേണ്ട ചേരുവകൾ എന്തൊക്കെയാണെന്ന് നോക്കാം...
ക്യാരറ്റ് ചെറുതായി ചുരണ്ടിയത് - 2 കപ്പ്
പാല്‍ - രണ്ട് കപ്പ്
പഞ്ചസാര - അര കപ്പ്
നെയ്യ് - അര ടീസ്പൂണ്‍
കശുവണ്ടി - 8 എണ്ണം
കുങ്കുമപ്പൂവ് - ഒരു നുള്ള്
ഏലയ്ക്കാപ്പൊടി - കാല്‍ ടീസ്പൂണ്‍
ക്യാരറ്റ് പായസം തയ്യാറാക്കുന്ന വിധം...
ഒരു പാത്രത്തില്‍ അര ടേബിള്‍ സ്പൂണ്‍ നെയ്യ് ചേര്‍ക്കുക. ചൂടായതിന് ശേഷം അതിലേക്ക് ക്യാരറ്റ് ചേര്‍ക്കുക. അല്‍പ്പനേരം വഴറ്റുക.
ഇതിലേക്ക് ഒരു കപ്പ് പാല്‍ ഒഴിച്ച് ചെറുചൂടില്‍ തിളപ്പിക്കുക. ക്യാരറ്റ് നന്നായി വേവുന്നത് വരെ ഇത് തിളപ്പിക്കുക.
ക്യാരറ്റ് വെന്തുകഴിഞ്ഞാല്‍ ഇതിലേക്ക് പഞ്ചസാര ചേര്‍ത്ത് അഞ്ച് മിനിറ്റ് വേവിക്കുക. നന്നായി ഇളക്കുക.
ഒരു ടേബിള്‍ സ്പൂണ്‍ പാല്‍ എടുത്ത് അതിലേക്ക് കുങ്കുമപ്പൂവ് ചേര്‍ക്കുക. അതിന് ശേഷം കുങ്കുമം ചേര്‍ത്ത പാല്‍ ക്യാരറ്റ് മിശ്രിതത്തിലേക്ക് ഒഴിക്കുക.
പാല്‍, ഏലയ്ക്കപ്പൊടി, എന്നിവ ചേര്‍ത്ത് തിളപ്പിക്കുക. ഇത് കട്ടിയായി വരുമ്പോള്‍ ബാക്കിയുള്ള അരകപ്പ് പാല്‍കൂടി ഇതിലേക്ക് ഒഴിച്ച ശേഷം തീ അണയ്ക്കുക.
ഒരു ചീന ചട്ടിയില്‍ അല്‍പ്പം നെയ്യ് ചൂടാക്കി അതിലേക്ക് കശുവണ്ടിയിട്ട് വഴറ്റി പായസത്തിലേക്ക് ചേര്‍ക്കാം.