ചിയ സീഡ്

ദിവസവും എത്ര സ്പൂൺ ചിയ സീഡ് കഴിക്കുന്നതാണ് ആരോ​ഗ്യത്തിന് നല്ലത്? 

വെയ്റ്റ് ലോസിന് പ്രധാനമായി ഉൾപ്പെടുത്തുന്ന ഭക്ഷണമാണ് ചിയ സീഡ്.  ഒമേഗ -3 ഫാറ്റി ആസിഡ്, നാരുകൾ, പ്രോട്ടീൻ, വിവിധ അവശ്യ വിറ്റാമിനുകൾ, ധാതുക്കൾ എന്നിവ ചിയ സീഡിൽ അടങ്ങിയിരിക്കുന്നു. 

ചിയ സീഡ് സ്മൂത്തികൾ, സലാഡുകൾ എന്നിവയിൽ ചേർത്ത് കഴിക്കുന്നു.ചിയ സീ‍ഡ് ഡയറ്റിൽ ഉൾപ്പെടുത്തുമ്പോൾ അതിന്റെ ക്യത്യമായ അളവും ശ്രദ്ധിക്കണം.
 

ദിവസവും എത്ര ചിയ സീഡ് കഴിക്കുന്നതാണ് ആരോ​ഗ്യത്തിന് നല്ലത്? ചിയ സീഡിന്റെ ഉപഭോഗം പ്രായം, ലിംഗഭേദം, ആരോഗ്യ നില എന്നിവയുൾപ്പെടെ നിരവധി ഘടകങ്ങളെ ആശ്രയിച്ചിരിക്കുന്നു. 

പ്രതിദിനം ഒന്നോ രണ്ടോ ടേബിൾ സ്പൂൺ (15 മുതൽ 30 ഗ്രാം വരെ) ചിയ വിത്തുകൾ കഴിക്കുന്നത് കുട്ടികൾക്കും മുതിർന്നവർക്കും സുരക്ഷിതവും ഫലപ്രദവുമാണെന്ന് വിദ​ഗ്ധർ പറയുന്നു.

ചിയ സീഡിൽ അടങ്ങിയിട്ടുള്ള ഫൈബർ നല്ല കുടൽ ബാക്ടീരിയയെ വർദ്ധിപ്പിക്കുന്നു. ഇത് ശരീരഭാരം നിയന്ത്രിക്കാൻ സഹായിക്കും.

ഹൃദയാരോഗ്യത്തിന് പ്രധാനപ്പെട്ട ഒമേഗ-3 ഫാറ്റി ആസിഡ് ചിയ സീഡിൽ അടങ്ങിയിട്ടുണ്ട്. ഒമേഗ -3 ഹൃദ്രോഗ സാധ്യത കുറയ്ക്കുകയും തലച്ചോറിൻ്റെ ആരോഗ്യത്തെ സഹായിക്കുകയും ചെയ്യുന്നു.