Food
കൊളസ്ട്രോള്‍ വരാതിരിക്കാന്‍ ഡയറ്റില്‍ നിന്നും ഒഴിവാക്കേണ്ട ചില ഭക്ഷണങ്ങളെ പരിചയപ്പെടാം.
സോസേജ്, ഹോട്ട് ഡോങ്ക്സ്, ബക്കോണ്‍ തുടങ്ങിയ സംസ്കരിച്ച ഭക്ഷണങ്ങളിലെ സാച്ചുറേറ്റഡ് കൊഴുപ്പ് കൊളസ്ട്രോളിന് കാരണമാകും.
ഫ്രഞ്ച് ഫ്രൈസ്, ചിക്കന്‍ ഫ്രൈ, മറ്റ് എണ്ണയില്‍ പൊരിച്ച ഭക്ഷണങ്ങള്‍ എന്നിവയിലും സാച്ചുറേറ്റഡ് കൊഴുപ്പ് അധികമുള്ളതിനാല്‍ ഇവയും കൊളസ്ട്രോള്‍ കൂട്ടാം.
ബീഫ്, പോര്‍ക്ക്, മട്ടന്‍ തുടങ്ങിയ റെഡ് മീറ്റിലെല്ലാം പൂരിത കൊഴുപ്പ് ഉയര്‍ന്ന അളവില്‍ അടങ്ങിയിട്ടുണ്ട്. അതിനാല്‍ ഇവയും കൊളസ്ട്രോള്‍ കൂട്ടാം.
പേസ്ട്രി, കേക്ക്, കുക്കീസ് തുടങ്ങിയവയില്‍ കൊഴുപ്പും പഞ്ചസാരയും കലോറിയും കൂടുതലാണ്. അതിനാല്‍ ഇവയൊക്കെ കൊളസ്ട്രോള്‍ കൂട്ടാന്‍ കാരണമാകും.
ക്രീം, ബട്ടര്‍, ചീസ് തുടങ്ങിയവയിലും സാച്ചുറേറ്റഡ് കൊഴുപ്പ് അധികമുള്ളതിനാല്‍ കൊളസ്ട്രോള്‍ രോഗികള്‍ ഒഴിവാക്കുന്നതാണ് നല്ലത്.
ഐസ്ക്രീമിലും സാച്ചുറേറ്റഡ് കൊഴുപ്പും പഞ്ചസാരയും അടങ്ങിയിട്ടുണ്ട്. അതിനാല്‍ ഇവയുടെ ഉപയോഗവും പരിമിതപ്പെടുത്തുക.
ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുക.