റവ ലഡ്ഡു

ഈ ദീപാവലിയ്ക്ക് സ്പെഷ്യൽ റവ ലഡ്ഡു ഉണ്ടാക്കിയാലോ? 

ദീപാവലിയ്ക്ക് ഇനി ദിവസങ്ങൾ മാത്രമാണുള്ളത്. ഈ ദീപാവലിക്ക് വീട്ടിലുണ്ടാക്കാം സ്പെഷ്യൽ റവ ലഡ്ഡു.

റവ  200 ഗ്രാം

പഞ്ചസാര  150 ഗ്രാം പൊടിച്ചത്

നെയ്യ്  2 ടേബിൾ സ്പൂൺ 

ഏലയ്ക്ക  2 എണ്ണം

പാൽ  100 മില്ലിലീറ്റർ

 അണ്ടിപ്പരിപ്പ്  10 എണ്ണം

 ഉണക്കമുന്തിരി   20 ഗ്രാം

ആദ്യം നെയ്യ് ഒഴിച്ചു അണ്ടിപ്പരിപ്പ് വറുത്തെടുക്കുക. തുടർന്ന് ബാക്കിയുള്ള നെയ്യിൽ റവ നന്നായി വറുക്കുക. 

ശേഷം പഞ്ചസാര പൊടിച്ചതും ഏലക്കായും ചേർക്കുക. ശേഷം തിളപ്പിച്ച പാൽ ഒഴിച്ചു നന്നായി യോജിപ്പിക്കണം. 

ശേഷം അണ്ടിപ്പരിപ്പും മുന്തിരിയും ചേർത്ത് ചൂടോടെ ഉരുളകളാക്കി എടുക്കുക.