Food
ഇന്ന് ജൂലെെ 7. ലോക ചോക്ലേറ്റ് ദിനം. ഈ ചോക്ലേറ്റ് ദിനത്തിൽ ഡാർക്ക് ചോക്ലേറ്റിൽ ചില ആരോഗ്യഗുണങ്ങളെ കുറിച്ചറിയാം.
ഡാർക്ക് ചോക്ലേറ്റിൽ ആൻ്റിഓക്‌സിഡൻ്റുകൾ, ഫ്ലേവനോയ്ഡുകൾ എന്നിവ അടങ്ങിയിട്ടുണ്ട്. ഹൃദ്രോഗം, കാൻസർ തുടങ്ങിയ രോഗങ്ങളെ തടയാൻ ഇത് സഹായിക്കും.
ഡാർക്ക് ചോക്ലേറ്റ് നല്ല കൊളസ്ട്രോളായ എച്ച്ഡിഎല്ലിന്റെ അളവ് വർദ്ധിപ്പിക്കുകയും രക്തയോട്ടം മെച്ചപ്പെടുത്തുകയും ചെയ്യുന്നു.
ഡാർക്ക് ചോക്ലേറ്റിൽ അടങ്ങിയിരിക്കുന്ന ഫ്ലേവനോയ്ഡുകൾ തലച്ചോറിലേക്കുള്ള രക്തയോട്ടം മെച്ചപ്പെടുത്തുന്നു. ഇത് ഏകാഗ്രത വർദ്ധിപ്പിക്കുന്നു
ആൻ്റീഡിപ്രസൻ്റായി പ്രവർത്തിക്കുന്ന സെറോടോണിനും ഡാർക്ക് ചോക്ലേറ്റിൽ അടങ്ങിയിട്ടുണ്ട്. സമ്മർദ്ദം കുറയ്ക്കുന്നതിന് ഇത് സഹായിക്കുന്നു.
ഡാർക്ക് ചോക്ലേറ്റിലെ ആൻ്റിഓക്‌സിഡൻ്റുകൾ അൾട്രാവയലറ്റ് വികിരണങ്ങളിൽ നിന്ന് ചർമ്മത്തെ സംരക്ഷിക്കാനും ജലാംശം മെച്ചപ്പെടുത്താനും സഹായിക്കുന്നു.
ഡാർക്ക് ചോക്ലേറ്റിലെ ഉയർന്ന നാരുകൾ ശരീരഭാരം നിയന്ത്രിക്കാൻ സഹായിക്കും. ഇത് അമിത വിശപ്പ് തടയുന്നതിന് സഹായിക്കുന്നു.
ഡാർക്ക് ചോക്ലേറ്റിന് കുറഞ്ഞ ഗ്ലൈസെമിക് സൂചികയാണുള്ളത്. അതായത് ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കില്ല.
ഡാർക്ക് ചോക്ലേറ്റിലെ നാരുകൾ ആരോഗ്യകരമായ കുടലിൽ നല്ല ബാക്ടീരിയകളുടെ വളർച്ച കൂട്ടുന്നതിന് സഹായിക്കുന്നു.