Box Office
ഏത് ഫോര്‍മാറ്റിലുള്ള സ്പൈഡര്‍മാന്‍ ചിത്രങ്ങളും ഇതിന് മുന്‍പും സ്വീകരിച്ചിട്ടുള്ള ഇന്ത്യന്‍ പ്രേക്ഷകര്‍ ഇക്കുറിയും ആ പതിവ് തെറ്റിച്ചില്ല.
ജൂണ്‍ 1 വ്യാഴാഴ്ച തിയറ്ററുകളിലെത്തിയ ചിത്രം അന്നേദിവസം ഇന്ത്യയില്‍ നിന്ന് നേടിയത് 4.20 കോടി ആയിരുന്നു.
തൊട്ടുപിറ്റേദിവസമായ വെള്ളിയാഴ്ചത്തെ നേട്ടം 3.34 കോടി, ശനിയാഴ്ച 5.19 കോടി, ഞായറാഴ്ച 6.11 കോടി എന്നിങ്ങനെയാണ് ഇന്ത്യന്‍ കളക്ഷന്‍.
ആകെ ഗ്രോസ് 22.87 കോടിയും നെറ്റ് കളക്ഷന്‍ 18.84 കോടിയും.
ഒരു അനിമേറ്റഡ് ചിത്രത്തിന് ഇന്ത്യയില്‍ ലഭിക്കുന്ന ഏറ്റവും മികച്ച ഓപണിംഗുകളില്‍ ഒന്നാണ് സ്പൈഡര്‍മാന്‍ എക്രോസ് ദി സ്പൈഡര്‍വേഴ്സ് നേടിയിരിക്കുന്നത്.
അതേസമയം നിര്‍മ്മാതാക്കളായ കൊളംബിയ പിക്ചേഴ്സിനും സോണി പിക്ചേഴ്സ് അനിമേഷനും മാര്‍വല്‍ എന്‍റര്‍ടെയ്ന്‍‍മെന്‍റിനുമൊക്കെ ആഗോള ബോക്സ് ഓഫീസിലും നേട്ടമാണ് ചിത്രം.
ആദ്യ വാരാന്ത്യത്തില്‍ യുഎസില്‍ നിന്ന് മാത്രം 120 മില്യണ്‍ ഡോളര്‍ നേടിയെന്നാണ് കണക്കുകള്‍. അതായത് 990 കോടി രൂപ!