Culture
യോനി എന്ന വാക്ക് പലപ്പോഴും പുരുഷാധിപത്യസമൂഹം പരിഹാസത്തോടെയാണ് ഉപയോഗിക്കുന്നത്. എന്നാല്‍ ഒരു യോനി മ്യൂസിയമുണ്ട് ഈ ലോകത്ത്.
സ്ത്രീ ശരീരശാസ്ത്രത്തെ കുറിച്ചുള്ള തെറ്റിദ്ധാരണകൾ അകറ്റുക എന്ന ലക്ഷ്യത്തോടെയാണ് ഈ മ്യൂസിയം ആരംഭിച്ചത്.
2019 -ൽ ലണ്ടനിലാണ് ലോകത്തിലെ ആദ്യത്തെ യോനി മ്യൂസിയം തുടങ്ങിയത്. അന്നത് വലിയ വാർത്തയായിരുന്നു. അനേകം പേർ ഈ മ്യൂസിയം സന്ദർശിക്കാൻ തയ്യാറായി.
പ്രോപ്പർട്ടി ഗാർഡിയൻഷിപ്പ് അവസാനിച്ചതിനെ തുടർന്ന് അത് ബെത്നാൽ ഗ്രീനിലുള്ള വിക്ടോറിയ പാർക്ക് സ്ക്വയർ പരിസരത്ത് നിന്നും മാറ്റാൻ നിർബന്ധിക്കപ്പെട്ടു.
പിന്നാലെ, മ്യൂസിയം അടച്ചുപൂട്ടുകയും ചെയ്തു. എന്നാൽ, മ്യൂസിയം വീണ്ടും തുടങ്ങാനായി ക്രൗഡ് ഫണ്ടിംഗ് അടക്കം മാർഗങ്ങൾ മ്യൂസിയം അവലംബിച്ചു. ഒടുവിൽ, 88 ലക്ഷം രൂപ ഇതിനായി സമാഹരിച്ചു.
അങ്ങനെ, ഒരുമാസം മുമ്പ് പോയിസർ സ്ട്രീറ്റിന് സമീപത്തായി ഈ യോനി മ്യൂസിയം വീണ്ടും പ്രവർത്തനം ആരംഭിച്ചു.
നേരത്തെ ഉണ്ടായിരുന്നതിനേക്കാൾ വലുതും വിശാലവുമായതാണ് ഈ പുതിയ യോനീ മ്യൂസിയം. സ്ത്രീശരീരത്തെ കുറിച്ച് കൂടുതൽ കാര്യങ്ങൾ ഇവിടം സന്ദർശിച്ചാൽ അറിയാൻ സാധിക്കും.
ഭീമൻ ടാംപണുകളും, വലിയ ആർത്തവക്കപ്പുകളും ഇവിടെ പ്രദർശിപ്പിച്ചിട്ടുണ്ട്. ഒപ്പം സ്ത്രീ ജനനേന്ദ്രിയത്തിന്‍റെ ചിത്രങ്ങളും കാണാം. ഒരു ഗ്ലാസ് കേസിൽ അടിവസ്ത്രങ്ങളും സൂക്ഷിച്ചിട്ടുണ്ട്.