Cricket
ടി20 ക്രിക്കറ്റില്‍ മറ്റൊരു ഇന്ത്യൻ ബൗളര്‍ക്കും സ്വന്തമാക്കാനാവാത്ത റെക്കോര്‍ഡുമായി ഇന്ത്യൻ സ്പിന്നര്‍ വരുണ്‍ ചക്രവര്‍ത്തി.
ഒരു ടി20 പരമ്പരയില്‍ ഏറ്റവും കൂടുതല്‍ വിക്കറ്റെടുക്കുന്ന ഇന്ത്യൻ ബൗളറെന്ന നേട്ടമാണ് വരുണ്‍ ഇന്നലെ ദക്ഷിണാഫ്രിക്കക്കെതിരെ സ്വന്തമാക്കിയത്.
ദക്ഷിണാഫ്രിക്കക്കെതിരായ ടി20 പരമ്പരയിലെ ആദ്യ മൂന്ന് കളികളില്‍ നിന്ന് 10 വിക്കറ്റാണ് വരുണ്‍ കറക്കി വീഴ്ത്തിയത്.
2016ല്‍ ശ്രീലങ്കക്കെതിരായ ടി20 പരമ്പരയില്‍ ഒമ്പത് വിക്കറ്റെടുത്തിരുന്ന ആര്‍ അശ്വിനെയാണ് വരുണ്‍ ചക്രവര്‍ത്തി ഇന്നലെ പിന്നിലാക്കിയത്.
ദക്ഷിണാഫ്രിക്കക്കെതിരായ ആദ്യ ടി20യില്‍ 3 വിക്കറ്റെടുത്ത വരുൺ രണ്ടാം മത്സരത്തില്‍ 5 ഉം മൂന്നാം മത്സരത്തില്‍ 2ഉം വിക്കറ്റെടുത്താണ് റെക്കോര്‍ഡിട്ടത്.
മൂന്ന് മത്സരങ്ങളിലും തന്‍റെ ആദ്യ ഓവറില്‍ തന്നെ വിക്കറ്റെടുക്കാനും വരുണ്‍ ചക്രവര്‍ത്തിക്കായിരുന്നു.
രാജ്യാന്തര ക്രിക്കറ്റില്‍ 15 ബൗളര്‍മാര്‍ വരുണിന് മുമ്പ് ഈ നേട്ടം കൈവരിച്ചിട്ടുണ്ട്.
ഒരിടവേളക്കുശേഷം ഇന്ത്യൻ ടി20 ടീമില്‍ തിരിച്ചെത്തിയ വരുണ്‍ ചക്രവര്‍ത്തി ടീമിലെ തന്‍റെ സ്ഥാനം ഉറപ്പിക്കുന്ന പ്രകടനമാണ് ദക്ഷിണാഫ്രിക്കയില്‍ പുറത്തെടുത്തത്.