Cricket
ഈ മാസം 23, 24 തീയതികളിലായി സൗദി അറേബ്യയിലെ ജിദ്ദയില്‍ നടക്കുന്ന ഐപിഎല്‍ താരലേലത്തിനായി രജിസ്റ്റര്‍ ചെയ്തിരിക്കന്നത് 409 വിദേശ താരങ്ങള്‍.
30 അസോസിയേറ്റ് രാജ്യങ്ങളില്‍ നിന്നുള്ള താരങ്ങളും ഇക്കൂട്ടത്തിലുണ്ട്. ഇറ്റലിയില്‍ നിന്ന് ലേലത്തിനെത്തുന്നത് ഓള്‍ റൗണ്ടര്‍ തോമസ് ഡ്രാക്ക.
കഴിഞ്ഞ ഐപിഎല്‍ താരലേലത്തില്‍ 24.5 കോടി നല്‍കി കൊല്‍ക്കത്ത നൈറ്റ് റൈഡേഴ്സ് സ്വന്തമാക്കിയ മിച്ചല്‍ സ്റ്റാര്‍ക്കിന്‍റെ അടിസ്ഥാന വില 2 കോടി.
ഇതുവരെ ഐപിഎല്ലില്‍ കളിക്കാത്ത ഓസീസ് സ്പിന്നര്‍ നഥാന്‍ ലിയോണും രജിസ്റ്റര്‍ ചെയ്തിരിക്കുന്നത് 2 കോടി അടിസ്ഥാന വിലയുള്ള താരങ്ങളുടെ കൂടെ.
രാജസ്ഥാന്‍ റോയല്‍സ് മുന്‍ താരം ജോസ് ബട്‌ലറും മുംബൈ ഇന്ത്യൻസ് താരമായിരുന്ന ജോഫ്രാ ആര്‍ച്ചറും 2 കോടി അിസ്ഥാന വിലയുള്ള താരങ്ങളുടെ പട്ടികയില്‍.
സ്റ്റീവ് സ്മിത്ത്, ഡേവിഡ് വാര്‍ണ‍ർ, മാര്‍ക്കസ് സ്റ്റോയ്നിസ്, ഗ്ലെന്‍ മാക്സ്‌വെൽ, മിച്ചല്‍ മാര്‍ഷ്, ആദം സാംപ എന്നിവര്‍ക്കും അടിസ്ഥാന വില 2 കോടി
ജോണി ബെയര്‍സ്റ്റോ, മൊയിന്‍ അലി, ഹാരി ബ്രൂക്ക്, സാം കറന്‍ എന്നിവര്‍ക്കും അടിസ്ഥാന വില 2 കോടി
കിവീസ് താരങ്ങളായ കെയ്ന്‍ വില്യംസണ്‍, മാറ്റ് ഹെന്‍റി, ട്രെന്‍റ് ബോള്‍ട്ട് എന്നിവരും 2 കോടി അടിസ്ഥാന വിലയുള്ള താരങ്ങളുടെ പട്ടികയില്‍.
ലേലത്തിനെത്തുന്ന ദക്ഷിണാഫ്രിക്കന്‍ താരങ്ങളില്‍ 2 കോടി അടിസ്ഥാന വിലയുള്ള കളിക്കാരില്‍ കാഗിസോ റബാഡയുമുണ്ട്.