Cricket
സൂര്യകുമാര്‍ യാദവിന് കീഴില്‍ ശ്രീലങ്കക്കെതിരായ ടി20 പരമ്പര തൂത്തുവാരിയ ടീമില്‍ ആറ് മാറ്റങ്ങളുമായാണ് ഇന്ത്യ ഏകദിന പരമ്പരക്കിറങ്ങുന്നത്.
ടി20യില്‍ നിന്ന് വിരമിച്ച വിരാട് കോലിയും രോഹിത് ശര്‍മും ഏകദിന ടീമില്‍ തിരിച്ചെത്തി.
മധ്യനമിരയില്‍ ഏകദിന ലോകകപ്പിനുശേഷം ശ്രേയസ് അയ്യരും കെ എല്‍ രാഹുലും ടീമിലെത്തി.
കൊല്‍ക്കത്ത നൈറ്റ് റൈഡേഴ്സ് പേസറായ ഹര്‍ഷിത് റാണ ഏകദിനത്തില്‍ അരങ്ങറിയേക്കും.
ടി20 പരമ്പരയുടെ താരമായി തെരഞ്ഞെടുക്കപ്പെട്ട വാഷിംഗ്ടണ്‍ സുന്ദറിന് ഏകദിന ടീമില്‍ സ്ഥാനം ഉറപ്പിക്കാന്‍ അവസരം ലഭിക്കും.
ടി20 പരമ്പരയില്‍ ടീമിലില്ലാതിരുന്ന കുല്‍ദീപ് യാദവ് ബൗളിംഗ് നിരയില്‍ തിരിച്ചെത്തിയതാണ് മറ്റൊരു മാറ്റം.
ടി20 പരമ്പരയില്‍ അവസരം ലഭിച്ച റിയാന്‍ പരാഗിന് ഏകദിന അരങ്ങേറ്റത്തിന് അവസരം ലഭിച്ചേക്കും.